呢個單位位於將軍澳站附近某私人新樓，係戶主新婚新居入伙。
佢地埋單，二十萬多少少。😳
先睇睇成品：
左起：電視櫃、走廊通往睡房、飯廳
玄關望入客飯廳
主人房：機動床板，可掀起放雜物
今次呢個個案，小妹我最自豪就係頭頂嗰舊嘢！☺️☺️🤗
扮開燈嘅我，頭頂嗰舊係乜呢？！
另一角度
新婚戶主，小朋友仲好細，佢地已經計劃定好多野。呢個係兩房單位，男女主人佔一間大啲嘅房，細路仔大啲會用另一間，佢地亦會請外傭姐姐幫手家務。
嗯？唔通要外傭姐姐訓街？🙄🙄 咁點算？
其實戶主點會諗住刻薄外傭姐姐，佢地原本想委託我地，幫佢諗吓成間屋邊個位可以間多間房俾佢，細細地都好，有個自己嘅空間，佢融入到呢度嘅生活，可以休息充足，到最後打點好成個屋企，都係好緊要。
但本身呢度就唔係大，再間房就會更擠逼，到時要縮細邊個位好？細路仔房定主人房？第時又點拆走？
所以我就諗，好多人都會揀訓上下格床，甚至一個人訓嘅房，有啲人都會將張床升高到上格床嘅位置，床下面就有活動或擺衣櫃嘅空間，而我就向戶主提出一個好大膽嘅諗法，就係將呢個「上格床」擺喺飯廳嘅角落。😱
趟開黑色門，可以走上去
收埋左條樓梯
入面係咁！
同埋咁。
大家睇到嘅「假天花」，其實入面可以訓到一個人，頭頂燈、電制位、儲物櫃安排好，我亦特登加一條通風嘅位，天氣熱嘅時候，客飯廳嘅冷氣機都俾到外傭姐姐舒適嘅休息環境。
我地亦專登問過屋宇署，呢類嘢需唔需要入則之類，佢地話呢啲嘢唔關佢事，言下之意就係唔好煩佢，政府部門講得唔好煩佢，即係唔犯法，香港行普通法架嘛，唔犯法即係可以做。
一共訂造咗四件傢私：客廳電視櫃、主人房衣櫃、主人房特製嘅地台連油壓床及儲物空間、成個飯廳。連埋一入屋既特色牆及主人房客廳牆布、拉電線寬頻線、裝燈電視風扇…etc，全部加埋二十萬多啲埋單。
牆紙紋理、特色牆
「閣樓」下嘅雜物架
趟門其實係磁石黑板，可以俾細路仔玩🥰
客廳電視櫃（底下個茶几裝左轆，可以拉出來）
主人房衣櫃：櫃門可掛電視
機動床板蓋上後外觀（未放床褥）
我真係好希望好希望我地嘅客戶，知道一分錢一分貨嘅道理。
二十幾萬，我俾呢個case 你地睇，然後你會覺得：「哇，又平又靚呀」，再然後呢？坊間太多太多嘅係，講完俾你知幾咁平，你以為大門入面真係乜都包曬？裝修公司喺你簽曬合約之後，先同你講唔包啲乜，你以為理所當然嘅嘢，逐樣計係好貴架。最極端當然係公屋裝修傳單，五萬全屋裝修，其實佢只會幫你油過個客廳幾幅牆，然後逐樣加逐樣計，你又無得唔比。
我地呢次負責裝修嘅呢個單位，本身發展商都有基本裝修，全屋舖曬木地板，廚房有曬爐頭，廁所企缸馬桶洗手盤全部齊，浴室寶都有埋。
換句話講，如果唔需要搞廚房同廁所，咁係會平好多好多。一個比較簡單嘅講法，就係大家耳熟能詳，裝修中最煩嘅「水、電、煤」，有兩樣嘢唔需要做，咁就可以節省好多開支。
想平，又要靚，首先各位戶主你一定要諗，你可以俾到幾多，有呢個數，我地再一齊諗點做。
而家好多新樓，本身好多野都唔需要再做過，我地就會好務實咁同客戶講，唔需要做嘅嘢就唔好做。咁小妹我會唔會賺少左？拜託你千其唔好咁諗，你budget 唔夠，又夾硬做，我到最後都要幫你搵啲無咁好嘅師傅，佢做得唔好，你又唔高興，我又要搵人執，到最後扣埋料，你估真係賺多你好多？我相熟嘅好師傅，就算佢地都錫我，但係我想佢地幫我手，都要排一排期，次次碌人情卡都唔掂。我收你設計費其實仲開心過呃你整過個廁所丫。
今次戶主好清楚自己想要咩，同時又好接受間新屋有咩可以唔整，節省左開支同埋我小妹我嘅時間，我地就用來令原本好普通嘅嘢，變左令全家人都住得舒服嘅嘢。
想裝修屋企舖頭都可以搵小妹問下，歡迎去我page pm 我傾兩句！
WhatsApp: https://wa.me/85291325271
facebook messenger: https://m.me/decorgirl
誰在恨渾水？
【遊戲新聞】次世代多人合作對戰 《Hood：Outlaws&Legends》中世紀冷兵器大戰
你呢刻同緊幾多條女text 緊？
有一種愛情 只在社交媒體經營
【睇日劇學日本文化】買日本公司股票，係會收到coupon
【裝修個案】劏房你就見得多，合法去屋宇署入則你又見過未？（市區舊樓、三百呎、三十萬）
2019年4月13日
