民主黨區議員趙家賢公開馬國明屋苑住址當政績,柒左仲話人網絡欺凌,真小家~

政治 / 最新文章綜覽

區議員係當區遇到熱門事,影相打卡或者被傳媒訪問都好正常,因為關乎當區,而且區議員俾人既有熱悉地區既形象,但有時唔係件件事出黎抽水就代表叻既。今次安心之亂,有個身為一個區議員為左政績,公開左受害者居住既地方,而係面對批評既時候仲話人地網絡欺凌,究竟一個身為代議士既政工作者係如何演繹咁低劣既抽水呢。事源該區議員係安心之亂炒到熱辣辣既時候,佢就出左呢個post:

【安心抽水】安心車廂中戀愛嘅短片瘋傳東區區議員趙家賢迅速行動稱為當區居民馬國明同座居民爭取加強保安被網民圍攻透露馬國明住所趙家賢事後刪帖稱被網絡欺凌#好多嘢知但唔一定要講#成功爭取都成功抽水#加強咗一樣有人圍扑馬媽媽#…

政情網上行發佈於 2019年4月16日星期二

(source:now政情網上行,因原post已被刪)

 

其實包括筆者在內真係唔知受害者係住同我同一個屋苑入面架啵,你作為個區議員同調解員,都應該都知道居民既個人私隱係唔應該咁樣俾你公開出黎架啵,喂呀哥,以後有野點咁搵你幫手呀。

 

**人地戴綠帽已經夠哂慘,仲要俾條搏出位既粉腸起埋底,簡直係二次傷害**

有人話佢都冇講哂幾樓幾室,都唔算講人私隱呀,又係呀,呀趙博士出多個post出黎回應

 

#區務報告 : 因應今早全城熱哄的娛樂新聞,#現有大量娛樂記者出現在太古城並發生滋擾居民情況。作為當區議員的趙家賢DrAndrew已通知管理公司跟進,要求加強大廈保安及協助被娛記滋擾的居民解圍。#感謝熱心居民報料#此Post目的為提示居民注意#其實有關藝人的物業資料傳媒早已報導#網絡發達自己上網都搜尋到啦#唔知頭唔知路就喜歡網絡欺凌#我住太古城某人住海怡都係公開資料啦

Andrew Chiu 發佈於 2019年4月16日星期二

 

話傳媒一早報左人地既物業資料。

 

**吖,仲話唔想起人底,我係講d唔講d架啦,你想知咪google囉**

呢位博士兼資深認可調解員暨區議員既政工作者又真係幾風趣,一邊講到件事影響咁深,另一邊俾哂料人起底;泛民成日高舉採訪自由、新聞自由,另一邊你又干預記者既採訪自由;又出哂post叫人跟進乜乜物物,原來自己冇落去,連張相都係街坊send俾你;又話叫左管理公司跟,但係記者仲係搵到當事人媽媽做訪問,咁由頭到尾,除左出過post、上到傳媒個專頁、令到更多人知當事人住邊之外,呀議員你有咩野爭取到?

 

**落下街影張相都唔影,抽水都咁懶咪學人抽啦**

對住人地既質疑,呀博士連批評同網絡欺凌都唔係好識得點樣分。係佢個post大多都係針對佢件事公開個別人士既私隱而提出既質疑,咁樣既針對件事黎批評好正常啵,但唔知點解佢會話人網絡欺凌啦,以我既理解既欺凌應該唔係對件事既批評,多數係人身攻擊,例如好似將身材矮小既人稱呼為「高達」呢d擺明欺凌啦,咁睇返個post,都冇人話你成三十幾歲人,個頭梳到成枝避雷針咁,柒頭仲以為自己好型咁類既人身攻擊吖,最多都係形容你戇鳩唧,(應指個post既表達方法戇鳩而唔係形容個人。)睇黎就真係唔算係欺凌既,不過博士話有咪有囉~

 

**反對派面對批評既應對方法:解決提出質疑既人(話你係鬼、話你欺凌我、話你收左邊個邊個錢、話你冇做過憑咩批評佢、話你上唔到蘋果頭版全廣etc…)**

原來呀呢位博士兼資深認可調解員暨區議員原來係民主動力召集人,失敬失敬,民主動力可以協調得咁暢順完全係有賴資深認可調解員啦,簡直係生招牌打到響噹噹,有佢做我呢區既區議員簡單係幾生修到~因為我依家先知原來我有明星做鄰居!

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 192690
Date: 2019-04-17 05:56:13
Generated at: 2019-11-13 08:57:33
Permalink: https://www.vjmedia.com.hk/articles/2019/04/17/192690/民主黨區議員趙家賢公開馬國明屋苑住址當政績,