咪道德撚上身

 

 

「安心偷食」成為華人圈熱話,不只是香港,大陸微博早成搜尋熱門字,新加坡海峽時報在頭版上,也一小段報導,連昨日的Bloomberg Terminal,也有報導,可見這新聞已經成為一單全球華人社會報導的新聞,由軟性花邊變成硬性新聞。

昨日相信不少朋友在Whatsapp group互相瘋傳不同的改圖,然後討論安和心的問題,好不熱鬧。這時候,自然會有些所謂正義、社會精英道德撚以為看清世情作出一些所謂「眾人皆醉我獨醒」的口吻發表意見。如國際關係學者沈旭輝就在他的Facebook做一個投票統計,說大家留意「安心偷食」多些還是「巴黎聖母院」多些。這些統計,其實想問這真的和國際關係有直接聯繫得到從而可以引發到一個學術討論嗎? 還是這些統計背後想表達出沈教援很高級知識份子,不會看這些所謂八掛新聞,會關心國際新聞多些呢?然後就帶出香港人對國際關係的無知嗎?

娛樂新聞在任何時空、任何地域其實都一樣吸引和juicy,如果在西方社會,隨時一樣會這樣,假設有一日USA Today報導畢比特同英國皇妃梅根曾有一段情仲要有Video,如「安心偷食」一樣,同一天北京天壇大火,試問住在紐約的Paul同Mary會留意邊樣多些?沈做這些對比其實無謂不過。聖母院火災雖讓人婉息,但是否對人真正貼近一樣思想的眾人心態,卻不一定。倘若911出事和安心同一日,或者還可以做一個討論,因為前日真真正正影響了整個世界和社會,是有所不同。

另一方面又有人說「逃犯條例」無人理,但安心一事卻人人喊打。其實你又知人家沒有理是不理呢?兩樣同一時間去討論為什麼不可以?況且安心是一時,條例卻是持續,再加上港人心態對社會的死心到一個點,泛民一眾又沒有能力,想問港人會提起勁?還是覺得自己關心「逃犯條例」是比其他只關心八掛新聞更高尚呢?這刻我想起當年佔中有人日日Po 學聯雙子的偽HEHE相時,大家咪一樣覺得可愛又好玩,如果套用到今天的標準,係咪一樣無鳩聊呢?

還有是鬧蘋果的部署,認為利用這次新聞來挾讀者Reg account,是好仆街的行為。喂,首先無人迫你,二來商業運作都係咁,有野唔做,唔通真係等死咩。大家做生意,無非都係為Draw客,你見輔仁媒體呢兩日,也差不多條條都係講「安心偷食」,咁佢地係咪一樣消費緊人家,大家都係為生意。你咪道德撚上身先得架。

至於搞笑如國師,見蘋果因為呢單新聞爆升上客,就鬧香港人低能,又說個人資料會被人利用,又陰謀說是中共土共所為之類,真係好有喜劇效果。喂,你每日都係Facebook寫野,仲要公開做Public,你的信徒每日都講句「老師早晨」,人地一樣睇到用家的政治取向架啦。你每日寫咩,留言有咩,這些大數據,人地一樣有啦。或者會話中共唔會有,其他你鬼知咩,再者所謂大家開口埋口個deep State咪一樣拿著你的大數據囉。

寫到至此,就是想說這些所謂道德撚扮正義同清高,鬧人消費這些新聞,其實你咪一樣消費緊人,是二次消費,我寫呢篇就更加是三次元消費。

但個關鍵是今天的社會,你根本是逃不過這種模式去生活,與其這樣,你不如認真的看這個勢,如何去開發這些資訊,讓你的讀者、信徒,跟你走,或者站你的邊,來支持你的理念啦。呢個時勢,有咩人係清高架。咪以為自己不是道德撚,但香港杜德偉就有兩個。

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 192715
Date: 2019-04-17 15:39:21
Generated at: 2020-10-25 02:19:46
Permalink: https://www.vjmedia.com.hk/articles/2019/04/17/192715/咪道德撚上身