鏡頭右方嗰位肥仔哥先係真心朋友

娛樂圈安心事件平地一聲雷，香港人將睇人仆街最開心嘅精神發揮得淋漓盡致，老老實實呢件事不道德，但不道德同係咪需要大家道德牌食人血饅頭，愚以為完全冇需要，偷食外遇，當事人自有 cost and benefit，關你們一大堆閒人撚事咩。

在那段車cam片段中，在下反而想對在場某位有情有義嘅配角致敬——鏡頭右方那位肥仔哥。

從唯一證據片段蛛絲馬跡之中能夠作合理推測，肇事二人由錄影開始已是半醉半醒兼開始發功，如果我係男方食花生由得你死你賤嘅酒肉朋友，根本唔會揀同安心同車走，肥仔哥刻意搭單上車，其實係為了力挽狂瀾，希望拯救好兄弟免於不倫戀隨時在他這個宿醉狀態下被公開（雖然呢次搵保方都保唔住後方就是了）。肥仔見自己故意做電燈膽依然阻唔到乾柴烈火猛烈燃燒，佢就出第二招：男人的身體語言暗號，附圖乃某朋友備註，我完全同意。

肥仔哥搭兄弟膊頭 = 表示理解和安慰
拍背脊 = 支持你
揸爬耳語 = 肺腑之言
摙頸 = 自己醒水執生，幫你幫到盡啦，好自為之

肥仔哥做兄弟做到見你難過桃花劫，都追上車患尷尬癌，提水提到最後關頭，呢種至友當真有今生冇來世，容我向呢位匿名肥兄Sa個Lute。

古語有云：人生得一知己，死而無憾，許某人生之中有個咁夠朋友嘅好兄弟，要同佢飲多幾枝82年嘅可樂啦，酒就免了，費時又再酒後亂性啦，係咪？

作者：爽健

不求聞達於諸侯，只願笑傲賞江湖。

閱讀後覺得好，請多多讚好及分享～：）