唔講都唔知香港人原來係咁三貞九烈

 

 

香港人真係好得意,明星偷食呢啲花生吮下咪算囉,男人老狗都日諳夜諳日日呻吟道:「 Sammi 好慘、安仔賤格!」,講到好似自己係局內人咁關事咁,成個三姑六婆咁款。好喇,有啲人俾返個like 黃心穎道歉/講返之前發生過嘅事,然後個個走去狙擊人地,開口話人「幫住姣婆」,埋口屈人契家佬,連講野語氣都小學雞到冇眼睇。其實咁上心嘅人有邊多個平日真係追開鄭秀文許志安架?廣東歌都冇聽十世喇,菠蘿雞。

其實最令人不解嘅一點就係成件事根本就只係娛樂八卦,啲人可能得閑得制冇野做,就個個攬上身去抱打不平落井下石。好心喇,莫講話真係有人偷食,其實入得娛樂圈蒲足咁多年仲有邊個係清清白白?有邊個真係可憐金玉質,風塵骯髒違心願架?普通人人到中年兩公婆各有各玩都大有人在喇,人地早有協議你鬼知咩判官大人?家陣逼於無奈搞場大龍鳳出嚟咪又係為左照顧你班未見過大蛇疴尿嘅閒人。係為人地兩公婆好就放下屠刀咪逼人上梁山喇諸事丁。

最令我噁心嘅就係大部分人窮追猛打,連日狙擊,其實只係為左只係為左表示清白,為顯忠良。喂阿哥,你冰清玉潔三貞九烈咪做好俾自己另一半睇咪得囉,使乜擺曬上網日日話俾人聽你痛心惡絕啫?欲蓋彌彰啊大佬。有啲人仲衰,明明自己吸毒約炮落仔偷食樣樣齊,仲有面義正詞嚴參隻腳埋去鬧。喂,有冇聽過講得大話多死左要勾脷筋架?

唔關自己事嘅出少句聲喇。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 192822
Date: 2019-04-20 15:59:14
Generated at: 2020-06-01 14:33:58
Permalink: https://www.vjmedia.com.hk/articles/2019/04/20/192822/唔講都唔知香港人原來係咁三貞九烈