老娘幾時都話，做女人最緊要獨立，唔好靠啲臭男人！
話說前日有個姊妹做左個小手術，都係啲女人嘢啦，無乜大礙，而家科技先進，微創呀，個傷口細過鼻哥窿，出院都係行得走得。
不過嗰個姊妹就衰嘅，衰咩呢？衰依賴！
「做完手術，點都有啲驚，有啲痛痛地，最緊要係，其實我都想有人喺隔離陪我！」老娘明呀，女人就係咁，我做小妹妹嗰陣何嘗唔係咁呢？
「即係咁呀，no offence 你幾十歲唔明架喇，心靈支持呀，心靈呀，spiritual！」我心諗，我知自己幾多歲，唔 _ 洗你提我，不過算啦，佢嗰兩行鼻涕，唉，睇到就心酸，俾佢發洩下。
「佢竟然話，既然你都無咩大礙，你自己搭的士啦。佢話呀，乜嘢avenger end game 呀，終局呀，乜嘢驚被人劇透，前日唔睇唔得呀。」我都係轉述，事關我都無睇過呢個系列嘅戲。
「而家我嘅感受緊要啲，定係劇唔劇透緊要啲呀？」佢隨即爆喊，就算心入面好多野，都唔忍心同佢講，阿女呀，好明顯啦，你男人覺得怕被人劇透緊要呀…
老娘唔係話要幫人教女呀，而係做女人應該自強，唔可以一哭二鬧三上悠亞，sor 學埋曬個死佬啲衰嘢，係三上吊，無人接你出院咪無囉，男人唔理你，你咪自己顧自己囉。
最緊要係咩？係帶眼識人，係要識得選擇，呢啲咁嘅男人，將你擺到唔知去邊度，充份反應佢價值觀啦！
既然係咁，最女人就唔好衰俾男人睇，分手啦！
就好似嗰個黃之鋒，一樣架，德高望重嘅佔中九子，四個入冊，佢都大無私樣，去睇end game 呀，你話呢啲人靠唔靠得住？就算你睇都收收埋埋丫！
【LEGO快訊】一地玻璃碎 LEGO.com 踢走中國用戶
沒錯，我在公司靠做鴨上位
原罪——有個正常男仔鍾意已經萬幸？
原罪
【神婆雜談】A0 小伙子千祈唔好睇完「令女性心動的五個小動作」就走去通街壁咚人. . . . . .
掂下手仔又話非禮？舞蹈老師：「你個寶貝女咁矜貴你又俾佢嚟學跳舞？」
2019年4月26日
