為左溝健身教練而想去隆胸？真係好咩？

今次又係做美容院個姊妹話我知。

醫學美容，以前會被虐稱為整容，而家越來越普遍，埋線已經唔再被人話係整容，唔做下脫毛直頭會被人話無禮貌，但入侵性如隆胸，喺香港都仲會叫做令人考慮多左。

好似今次姊妹講嘅客，來到美容院話想隆胸，咁啊姊妹就好專業嘅，了解客人要乜效果，點解想要呢個效果，係好緊要。

言談之間，個未來客人就透露左動機。

「最近join 左fitness club，有個教練幾cute 幾charm 又大隻，我想自己都睇落有女人味啲，先敢approach 人地…」阿姊妹復述嗰陣，仲特登撚起把聲，扮下天真咁講。

不過專業就係，收得客人錢就係客人大曬，佢想要乜，價啱咪俾佢，除非好似上次嗰個M 到都想脱陰毛，真係做唔到就無計。

「太大係咪好容易被人見到係假？」姊妹話心諗，又要做婊子又想起貞節牌坊咪係呢啲，又要隆胸又要扮崇尚自然美。

「嗯～一般來講呢，我地建議客人喺兩個cup 以內啦，咁樣就算係朋友同事都唔會立即提出質疑，避免社交上出現尷尬嘅。」阿姊妹撚聲嗰陣，如果唔係本身識佢，我真係想打兩巴落去。

「你知啦，做運動都會著啲比較薄嘅衫，又可以有意無意之間露多少少，男人好膚淺架嘛，我彎低身佢見到有野睇，就會好容易上釣… 」

我個姊妹除左「嗯～」、「都係架～」、「啱呀～」之外，都唔知可以點應佢。

到最後隆到幾大，得唔得米，本宮都無跟落去。

之但係，我將呢堆嘢話俾隻佬知之後，佢就冷冷咁拋下一句. . .

「如果條友真係做開健身教練，你估佢睇唔睇得出真假丫拿？我睇得多AV 都分到啦！」

劇終。

作者：容嬤嬤

總編就梗係可以任開分身，開多個扮女人唔得咩？

閱讀後覺得好，請多多讚好及分享～：）