（少女示意圖，絕非當事人）
得閒就去做義工幫人驗性病嘅護士姊妹今日又約我tea，佢話最近有個case，搞到佢雖然都叫做見得多世面，都心有戚戚然。
有個17歲嘅少女，去左佢機構度「睇醫生」，來得呢度嘅，咩原因都好，總之唔會係三貞九烈。
今次呢個妹，係做援交嘅。而至於佢點解會識來？就要由佢點解做性工作者開始講。
同好多「誤入歧途」嘅後生仔女一樣，佢身邊嘅人都對佢唔好。佢喺學校會被同學欺凌，佢老母會鬧佢，其中最惡毒嘅，就係鬧佢又樣衰又肥，做雞都無人叫唔值錢。因此，個少女就把心一橫，就試下出去做雞，睇下自己值幾多錢。
好多性病，就算嫖客戴左套，都會有機會傳染，從事性工作，每日同咁多病歷唔同嘅人性交，染上性病嘅機會就一定比就咁偶爾出去偷食嘅人高好多。
嫖客係傳染性病嘅存在，嫖客係賤人係鹹濕係無天裝無地載，但估唔到，對呢個少女最好嘅，就係其中一個嫖客。
可能呢位嫖客都係色途老馬，憑佢嘅經驗，發現少女有啲異樣，就勸佢來阿護士姊妹嗰度驗下。
去到我個護士姊妹度，喺姐姐關心之下，就講左好多心事出來。
心病同性病，要醫都係好需要耐性同埋技巧。
個社會就係咁，乜嘢天下無不是之父母，唔一定架，吊兒郎當靠叫雞發洩性慾嘅賤精，喺呢個時候反而就係最關心個援交少女嘅人。
少女嘅其他背景同埋驗到啲咩唔講了，務求令普通人睇完都唔可能估到係咩人。
感謝徐緣媽咪嘅勇敢，防止HPV 喺社區散播，大丈夫要有一套，好人一生平安。
叄拾
【嚴肅文】我真係無諗過，夜總會個果盤係會擺香印！
你人工搵到幾多？憑咩教我呀？
【外賣仔日記】而家做速遞乜貨都要送，包括假 __ ！
#我鍾意經濟圈
2019年5月4日
