熱門文章

    何艷娟——知行合一,係好人黎

     

    何艷娟離婚對你班網民來說, 其實咪又係「你很想要,但沒有,所以係雞係公廁」囉。如果個案例擺返去正常人家度睇,件事根本就係正常生活。

    講咸濕野先。坦白講佢上到呢啲位,都唔係玩美色引誘嫁啦(仲要條仔搞賭,唔係律師樓)。 學李聲揚話齋,情色嘅嘢,就好似「洪欣贏盡掌聲」啲獎聲咁,係無限量供應,技術上要幾多有幾多的。正所謂 talk is cheap, 淫聲細語何嘗唔係? 而錢同有錢嘅男人就唔係。雖有量化寬鬆,錢既供應依然係有限的。而且好有限:根據福布斯,香港身家過十億美金人口只有 67人。雖然已經多過英國全國(得54個。wtf?),咁但,淨係港大城大一年畢業去做空姐既女同學,隨時都唔止呢個數啦。OK?

    而你睇返阿姐佢既硬件, 咪玩啦。即係我份人就好厚度嘅,何艷娟係靚女,綜合評級大約屬B+,香江上都多女仔做到,並唔係萬中無一。你當係 top 10%,都十中有一啦,即係每年(係每年)香港兩萬人大學畢業,當一半女,點都有1000個有佢既身材同樣。相信好多朋友,都識好多朋友,有同級數既外觀。 換句話講,阿姐係真材實料,靠高IQEQ搵食 的。

    講埋佢舊愛吳志誠。喂佢靚唔靚仔既野就,你冇得同筆者比較既(估下我今年幾歲) 但係六張幾嘢黎計,佢真係算好 fit,冇肚腩,有齊頭髮。除左任志剛(大佬,人地打贏過索羅斯嫁)之外,都冇咩阿伯靚仔得過佢啦。 所以吳生就算唔有錢,都係師奶殺手。

    入HKU 讀law 呢d姨媽姑姐好威既「傳統精英」「專業」黎計,何艷娟係真係有獨立思想,有執行力,睇好選美前景,就去選美。而且贏。唔係跟大隊自我感覺良好,而係做到我成日講嘅 「think beyond your ass」。任何人能夠知行合一,超越到自己階級既境界,都值得欣賞。

    你諗下, 今時今日 (唔係40年前嘅湯家驊 呀下),佢就算真係死 chur 攞個港大 Second Up,入律師樓做,都知自己學術能力唔係強 ,用「鹹濕女下屬戰術」 上位,其實都幾肯定條仔係肚腩大、頭髮少,仲要窮過吳志誠啦… 60歲揸兩棟貝沙灣 好未? 一億身家(唔係美金)。

    最最最重要係啲專業人士,好多社會見識少,而且近年唔好生意,要自我澎漲過日子。諗下做咁既人老婆,要受幾多氣。而你睇佢老公搞賭,見慣世面,知人間冷暖,戴綠帽都冇喊苦喊忽,和平散去,就知何艷娟當初有慧眼,嫁得好啦。而條仔如果真係衰咸濕,喂米玩啦。你荒死佢冇女?

    最後講佢新歡陳燿璋(都係有頭髮冇肚腩!)。唔好唔記得,而家係富婆媾有錢佬,唔再係窮困新移民 小妹妹釣金龜。就算舊仔,其實結婚前都拍咗三年拖,唔係三個禮拜。 拍拖四年換畫,係正常現象,唔係姦夫淫婦。只不過咁啱結左婚嘅嘢,緣份 就冇得好講。

    整體黎講,窮人冇得㨂,慣左要含忍,平時放工有「壞習慣」發洩下,大家都唔會怪佢地既;有錢人又可以 cherry pick。你話要搵個女超人,一個肉體同靈魂內乜都做到,唔係話唔可能,不過供應應該少過香江上既錢。唯獨係啲中產 係遊魂野鬼,又唔係有錢,又多多要求同幻想。然後自己做唔到,又唔肯接受現實,就喺度同你講道德。

     

     

    作者:技術官僚主義者

    技術官僚主義者
    讀政治經濟學出身,其實對時事冇興趣,入行純粹因為比較好搵

    閱讀後覺得好,請多多讚好及分享~:)

    其他熱門文章

      歡迎讚好我們的facebook page,免費資訊源源送上。

      文章資訊

      ID: 193620
      Date: 2019-05-08 04:10:17
      Generated at: 2019-05-19 17:44:47
      Permalink: https://www.vjmedia.com.hk/articles/2019/05/08/193620/何艷娟-知行合一,係好人黎