【塔羅個案】一男一女本身各自有伴侶,但約埋去旅行仲要同房瞓,到底係咪可以接受?

文教 / 最新文章綜覽

 

「男女之間係咪可以有純友誼關係」呢個問題,無論係見客開牌,抑或平時同朋友閒聊,我都經常會聽到。

你問我答案的話,我當然會答你,當然可以。點解唔可以?如果男女雙方只能夠視異性為情愛對象,人生可以選擇嘅朋友層面未免太狹隘。除左性別,年齡亦唔一定要受規範,友誼,本來就係人與人之間心靈互相依靠嘅關係黎架嘛。

不過,可以做朋友係一回事,性別有異,某啲位置,都係留一啲距離比較好嘅,即係你可以喺個姐妹面前換衫,但係你唔會喺個男性朋友面前換衫架嘛?追求平權男女平等都唔係咁搞架噃?

單身,你去個男仔屋企睇戲過夜,呢啲係你嘅事;但係如果,你有另一半,拍緊拖又好、結左婚都好,都仲走去同異性朋友於行為上過份親密,咁,呢啲我就覺得 Over 左了。

我偶爾會聽到以下呢種故事。

例子一「我男朋友話要同女仔朋友去旅行,我都算啦!我問佢點解得一間房,佢居然答我為左慳錢!」
例子二「我女朋友話要同個男仔朋友去旅行,話男同女之間都可以有純友誼,我諗埋一邊係我思想污穢,係我唔信佢……」

老老實實,我好怕幫人開牌問自己另一半「有無外遇、偷食、叫雞(真係有人咁問)同埋有無 SP」。因為,無嘅話猶自可,如果開出黎係有嘅,咁,即係話接下黎嘅時間,個客會大量需要紙巾,或者會好嬲地係咁對住我爆粗。

利申:有時講到激動位,個客少量爆粗我理解我明白我 OK 的,只要你唔係鬧我的話 LOL

回到問題本身。一男一女去旅行,無問題;同房,無問題。問題係,你唔係 Single。呢樣野唔關乎思想污唔污穢嘅問題,而係,不如咁講吖,將心比己吖,你另一半話「喂我同佢識得耐過同你呀,同一間房瞓又唔會攬住嘅」你會唔會有少少火都黎先?

當然呢啲情況,最常聽到嘅答案係「我同佢識左咁耐,有野發生就一早發生左啦」,啱呀,以前無,將來邊個話一定會無架?無睇過張家輝個廣告?「我以前無,有人同我講,將來就會有」呀,機會同緣份嘅野,人去到異地戒心就會放低,有啲人會選擇「大家不如打場友誼波」,而假如你係十萬級正人君子嘅,咁又問心吖,你都係想旅行去得開心啫,你同得而家呢個伴侶一齊,要佢又嬲又驚又唔開心咁,真係值得咩?

除非你本身已經想分手啦,咁就另計。

講到最尾,好多野,將心比己啦。如果你重視你另一半,除非佢一向就係無理取鬧派,如果唔係,體諒少少對方心情,皆大歡喜唔好咩?

 

【塔羅牌個案分享】

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 37.8倍的努力 by 金仔
    軟飯王依然不長進,終日無所事事,難為B小姐那時還要挺著個大肚子為了生意四處奔走,險些流產。B小姐除了要獨力支撐公司業務,還要照顧初出生的女兒,不要說人家產婦坐足一個月,飯來張口,茶來伸手,補品當飯吃的那份福氣B小姐固然享不到,她那時連喂人奶…
  • 何鴻燊過身,養和唔開心 by 白木乩
        何鴻燊喺養和都住左幾年,今日結束傳奇一生。 養和作為本港醫療旅遊業界火車頭,對維繫 […]…
  • 幸福的港女 by 金仔
    在韓國社會,當兩人到了談婚論嫁的階段,韓女之前收過的禮物可要一次過償還。因為根據韓國習俗,結婚絕對不是兩個人的事,而是兩個家庭的事。女家對這場婚事的「貢獻」絕不能少於男家。而如果女方在社會經濟地位比男家「低落」的話,為了表示對男家不嫌棄女家…
  • 【真人真事】溝女前必須學習社交(一)——我要早日出POOL 威俾啲港女睇 by 霏子
    原來,阿偉二十三年嚟都冇拍過拖,佢之前鍾意咗公司個實習生,但追求失敗。佢覺得「呢條港女」睇唔起佢,所以想搵我介紹啲「唔係港女嘅女」畀佢,早日出pool,威畀「呢條港女」睇。…
  • 你想做最後嘅反抗,定學習腿張開咁享受? by FAKE 文青
    你不知被他的兄弟蹂躪了多少次,你由初時的反抗,到慢慢接受,再到學會假裝享受,因為你知道至少他們會對你輕一點。…
  • 【塔羅個案】男教友出軌斷正求妻子原諒,原因係「呢個係神比我地嘅考驗」 by 神婆
    我身邊有啲耶教徒,好努力地做好自己;我亦見過有啲耶教徒,人地做錯野就唔得,自己做錯野但係人地唔原諒佢呢,就話人地唔「寬恕」唔「大愛」。…
歡迎讚好我們的facebook page,免費資訊源源送上。

文章資訊

ID: 193628
Date: 2019-05-08 22:38:54
Generated at: 2020-05-27 22:09:49
Permalink: https://www.vjmedia.com.hk/articles/2019/05/08/193628/【塔羅個案】一男一女本身各自有伴侶,但約埋去