熱門文章

    遇到一個同你夾既人,真係可遇不可求。

     

    好多人都會諗,一段經營得好既感情應該係大家都會遷就對方,而遷就同磨合可以令對方更懂得感恩。呢個想法無錯,但呢個想法只不過係向好嗰方面諗。而事實上係咪好多人都會感恩同反省呢?

    例如你本身唔中意睇踢波既,你男朋友踢波既時候想你黎睇佢,你會心諗大家係要互相遷就既。但你又唔係真心中意睇既時候,你總會有一日諗:點解我要就佢?點解我要陪你做你中意既野?慢慢你就會開始有怨言。你男朋友又未必知你唔中意睇。佢都會諗,點解你次次都睇,今次突然間唔睇既?

    真係唔想陪既,或者真係有意見嗰陣,一定要講出黎,切忌咩都唔講收收埋埋。亦都唔好覺得人地對你好係老馮既。一段關係最可怕既就係一個人全心付出不求回報,另一個照單全收還覺得理所當然。

    要格硬去遷就,咪即係你地本身唔夾囉 。但如果大家都識感恩就成件事都唔同哂喇。用返上面個例子,你真係認真睇佢踢波比賽既,會為佢隊波而打氣既,佢中場休息你會拎水比佢飲既,而唔係佢踢緊波你係到㩒電話既,我諗佢都會好感恩。可能踢完波會同你去食飯,可能下次你行街佢唔會行左15分鐘就嗌攰。可能佢會喺你同朋友食完飯後主動話接你。

    夾既定義,唔係在於你地有幾多共同興趣共同話題,而係大家都知道對方既好同付出左啲咩。大家都知道點樣既相處方式先係最舒服、大家知道大家條底線係邊。所以,遇到一個同你夾既人,真係可遇不可求。

     

    作者:生活喺四維空間嘅虛構人物

    閱讀後覺得好,請多多讚好及分享~:)

    其他熱門文章

      歡迎讚好我們的facebook page,免費資訊源源送上。

      文章資訊

      ID: 193774
      Date: 2019-05-11 04:56:24
      Generated at: 2019-05-19 17:46:12
      Permalink: https://www.vjmedia.com.hk/articles/2019/05/11/193774/遇到一個同你夾既人,真係可遇不可求。