熱門文章

    對女人最苛刻嘅動物就係女人

     

     

    黃子華講過:「對女人最苛刻嘅動物就係女人」

    有一個友好嘅中學同學,佢係中學就睇得出我對男性係好衰,對女性係好好,但就算咁我都無法去加入嗰啲女仔堆,因為自己真係無法迎合佢地,做乜都可以俾人話,同男仔玩得就話你發姣,明明我成個男仔頭咁粗魯都可以俾人話,打扮下又話你發姣,做乜鳩都可以話你發姣。幸好因為小女係靠數學升上中四,選科當然讀數,係無乜女嘅科目,最少女嘅一班,然後我嘅中學可以開開心心咁過,係PE當同隔離班女合班上堂,睇住啲女由上堂係球場鬥,落堂係更衣室打鬧,真係好鬼正。就算之後IVE,讀嘅科目都係少林寺科目,當中有幾條女係會有啲是非嘅,又係嗰啲不知名罪名囉,我俾人追,我唔鍾意,就係我錯咁囉。女人就係鍾意幫其他女安排人生,你唔跟就係你錯。但始終都算開心嘅,男性大比數多就OK㗎啦。

    到咗出嚟做嘢,係間少林寺嘅公司返工,開頭都好開心嘅,但始終都有女人存在,啲鍾意權力嘅阿姐,搞是非搞單打,搞走咗好多年輕人,係得我咁硬頸,點搞我都唔走,等佢失權。仲有一個男人婆,哩個極品真係要另開一篇文章先夠打佢嘅衰嘢出嚟,但要講嘅係,唔好以為男仔頭、TB嘅女性易相處,唔撚係囉~

    不過,哩幾年我發現,一間公司無乜女,咁啲男人就會有人充當女性角色,尤其啲年紀有返咁上下,70後以上嗰啲,佢地真係可以衰過啲大陸大媽㗎,個世界唔順住佢咁行就係唔啱,佢係正義使者,你唔係依佢方式做任何嘢,都要俾佢話,把口唔收㗎,仲要以為自己乜都啱先仆街。

    然後我發覺,唔好話女人恐怖之類,個人無乜墨水,圈子窄,無乜見識嘅人真係要防,因為佢地真係無乜修養、無乜品格㗎。

     

     

    作者:紫玥

    閱讀後覺得好,請多多讚好及分享~:)

    其他熱門文章

      歡迎讚好我們的facebook page,免費資訊源源送上。

      文章資訊

      ID: 193901
      Date: 2019-05-14 05:16:27
      Generated at: 2019-05-19 17:48:19
      Permalink: https://www.vjmedia.com.hk/articles/2019/05/14/193901/對女人最苛刻嘅動物就係女人