【MCU】為Star-Lord 辯白

 

 

在上集Avengers的Titan星一役,正當眾人制服了Thanos,快要脫下無限手套的一刻,Starlord為Gamora的死所刺激而暴揍他,反而驚醒了被催眠的他,致形勢立時大轉,不少人因而怒屌Starlord,斥之為千古罪人。

然而,看完Avengers 4之後,我發覺,無論Starlord上集有否暴走,對戰局其實無太大影響。

首先要認清,云云Avengers之中,可以打死Thanos的—唔止揪贏,係真真正正隊冧佢—只有三個人:

  1. Thor(A3結局幾乎劈死Thanos,A4開頭成功補刀)
  2. Scarlet Witch(A4終極大戰時,Thanos如果無開導彈,分分鐘會被捏死)
  3. Ironman(偷走無限寶石啪死Thanos大軍)

請留意,第一,之前講到巴之閉天上有地下無,又「逆轉無限」又盛,人人以為靠佢翻盤的Captain Marvel,一句「我唔得閒」就九成時間無出過場都算,點知原來全部都係吹水,唔止揪唔贏Thanos,更是反勝為敗的關鍵!一開頭仲串柒柒咁豪言「如果我早到,Thanos晨早收檔啦」,喂,將Thanos斬首果個是Thor,最後如果唔係Ironman偷石(bug位:明明上集話只有侏儒族先整到無限手套,話咁快今集已經比地球有錢科學家掌握到技術),全宇宙就真是收檔啦!點解呀?因為Thanos搶番手套準備嚟料果下,最需要你大展神威的一刻,你比人用紫石彈走左呀!唔好同我講炸爆左幾多外星艦,總之最最最關鍵一刻你就係臨.門.甩.轆,咁同楊岳橋有咩分別呀???講起條八婆就扯火。

言歸正傳。第二,以上三位人士,有兩個在上一集時其實唔會打得贏。上集英雄會輸的最大原因,就是唔知道手套有幾重要。他們大約知道Thanos集齊六粒石就會大檸樂,但不知道用手套啪先是關鍵。因此,雷神先會唔識瞄準,劈頭又得劈手又得偏偏劈錯心口;因此Ironman唔會想到偷石這一招—況且他還未回到過去和父親長談,未有犧牲自己作戰的決心。另外,Scarlet Witch勁還勁,但一向都是神經刀,表現時好時壞,例如A3一開頭,連兩個嘍囉都搞不掂,要一班無超能力的隊友幫拖…加上當時未死老公,未夠怒氣開大技,不過Vision死果刻又會太崩潰打唔到交…

觀乎此,在Titan星時,即使奪下手套都無用,因為一來雷神和Scarlet Witch俱不在,二來Ironman未知致勝關鍵(btw諗計又係佢,落場打得最好又係佢,其他超能力人士可否面壁思過),三來Thanos未齊石,無法許願(Nebula可能識)。比你搶到手套都唔識用,同時又不可能長期將Thanos撳實,但又無人殺得死佢。因此,Thanos醒過來搶回手套,只是時間的問題,Starlord純粹加快完場,但結果無分別。

當然,呢件事上無責任係一件事,打得廢係另一件事。縱觀兩集,Starlord的頁獻真係少到阿媽都唔認得,完全映衰Guardians of the Gallaxy—樹人打架的表現出色,Rocket食腦立大功,Drax無腦但都叫肌肉發達,Gamora出身未捷身先死都無計,只有呢條粉腸鳩fing fing全場,打緊仗走去搵女???咁就真係幫唔落。

 

作者:陸陽

How can we document real life, when real life is getting more like fiction each day?

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 【塔羅個案】女人就黎三十歲仲係 A0 係咪就叫有問題? by 神婆
    好多客人同Annie一樣,廿歲尾三十頭咁樣,有份不過不失嘅工作,有幾個真心相交嘅姐妹,耐唔耐去下旅行,過住平凡踏實嘅生活。你問Annie開唔開心?又無話唔開心嘅,朋友我有呀,份工麻麻地、但又唔算好差,但係,隨住年紀漸長,身邊啲姐妹開始結婚啦…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
歡迎讚好我們的facebook page,免費資訊源源送上。

文章資訊

ID: 193917
Date: 2019-05-14 05:21:49
Generated at: 2019-07-21 07:09:59
Permalink: https://www.vjmedia.com.hk/articles/2019/05/14/193917/【mcu】為star-lord-辯白