與其約炮,不如留喺屋企DIY 好過!

 

 

呢排覺得交友app D 仔仔實在太沒趣,加上已經厭倦左喺約到人出嚟之前要有好撚多無意義嘅無聊對話,所以進入左休漁期:好少開交友app,開都係睇msg,有心情就覆下,無心情就算,所以都冇乜漁獲。

其實我一開始玩交友app同約仔仔嘅原因一來就係空虛寂寞凍啦,二來就係太得閒要消磨下時間,三來就係解決生理需要(女人M到前幾日就會好想要)。講真第一個問題就解決唔到㗎啦,純肉體動作嘅性愛只係解決到肉體嘅問題,內在嘅空虛唔會填補到,所以一早放棄左。太得閒嘅話其實可以玩其他興趣同埋活動去填滿啲時間,例如做下運動學下野,好似我咁懶嘅話咪睇吓Netflix囉!至於解決性需要,咪自己用左右手解決囉!所以我近來都培養左良好嘅DIY習慣。

我習慣通常係臨瞓前又或者放假得閒冇嘢做嘅時候就會閂埋房門DIY下。第一個Step當然係上Avgle揀D啱睇嘅AV黎睇當熱身下!其實我以前冇睇AV嘅習慣,只係好耐之前陪男朋友睇過下。嗰時見到啲性器官嘅大特寫,真係會覺得自己上緊Bio堂學緊Reproduction,多過覺得嗰啲片段會刺激到自己性慾。可能女仔某程度上需要有啲愛情嘅感覺先會刺激到性慾,所以有時睇西片有D自然又浪漫嘅濕吻場面就會比AV中嘅性器官大特寫更加刺激到我嘅性慾。不過睇AV要求有愛情嘅感覺真係太難為人,所以我就退而求其地選擇一啲新手入門級嘅AV黎睇。

新手入門我就覺得D素人初攝係幾易入口。顧名思義啲女主角都係冇拍過AV嘅素人,通常頭十幾廿分鐘都係攝影師哥哥亦即係其後嘅男主角會同個女主角傾計,至於傾咩傾咁耐,我就唔清楚啦!一來我只係識幾句日文,二來就係正常都會飛左嗰段哈哈!鍾意睇素人初攝係因為嗰d女仔第一次拍通常都會有啲害羞(或者扮下拍醜):問佢兩句嘢會怕醜笑下、叫佢拉高件衫又怕醜笑下、揭高佢條裙摸下又係怕醜笑下、隊碌野俾佢含又係怕醜笑下……我覺得呢D怕醜笑好自然,感覺幾可愛。因為有時睇AV女優一來會覺得佢哋演技太誇張,二來會覺得佢哋太熟練,冇咗啲清澀羞嘅感覺,而素人就相對自然。

三來就係素人嘅身形比較自然,睇落有d親切感得黎又無咁自卑。總括嚟講我鍾意d女仔有啲肉唔好太瘦,有腰唔好有肚腩,有啲波但又唔好太大,Overall白白滑滑,最好Pink Lin咁就最正🤤!個樣最好清純甜美,唔一定要好靚,但太醜會J唔落。不過好難塭到有完美嘅,通常樣靚身型就無咁好;身形完美個樣就無咁靚;身形同樣都靚就通常係黑堤;樣貌身形同顏色都靚嘅通常就係死魚(因為我都好鍾意聽到D日本妹好嬌嗲嘅呻吟聲,一來會highD,二來學下野嘛!哈哈哈)總之好難搵到啲完全啱心水嘅女好!

我對女人就要求多多,但對於個男人其實只要唔好太醜樣唔好太肥唔好太老,普普通通就得。因為佢哋嘅賣點絕對唔喺身型同埋個樣度,而係在於佢哋高超嘅拍攝手法同熟練嘅性愛技巧。先講拍攝手法,其實呢啲性愛動作片每一個動作要喺邊一個角度、距離去拍攝先會拍得好睇,都好睇呢位導演嘅拍攝經驗,即係你set個腳架老鍊咁遠影你奶西,我真係睇條毛咩。我特別敬佩嗰啲大部分時間自己手攞住部機嘅導演,佢哋全程係要邊做邊拍,一心二用都唔止,有時一邊屌一邊拍,仲要留意女主角有冇望鏡頭、啲頭髮有冇遮住塊面等等,所以真係要好細心好專注同好有經驗先會拍得好!

至於性愛技巧,我特別欣賞佢地非常細心而且有耐性地由淺入深咁同對手做大量前戲去熱身。因為話晒個女仔都係無拍攝經驗嘅素人,所以真係好靠導演一步一步咁去引導個女人投入而且享受整個過程。其實女人真係好需要前戲,但喺實戰時部分男士會因為冇乜耐性同比較自我,只係心急想解決自己性需要,而忽視左女性嘅需要。

其實我睇AV主要都係睇呢啲前戲去令自己預備好去DIY。睇到佢地用各種方法刺激唔同敏感部位(其實除咗胸同西,仲有耳仔、頸、後腰、腋下、大髀內側等等,當然每個人嘅敏感部位都會有所不同),摸完又鍊、鍊完又揸、揸完又奶,尤其係奶到Fla Fla聲嗰D,睇到真係好難唔High同唔濕。之後我就會閂埋部電腦,響張床度完成埋餘下嘅手續😎。

自從開始咗睇AV同DIY嘅習慣,就覺得冇乜需要去約炮,因為其實我真係好懶,為左Sex要同D無聊人去作無異議嘅溝通,真係覺得好無謂。終於明白啲毒撚點解覺得無需要溝女同拍拖,因為左手就係我前度,右手就係我現任,佢哋唔使我氹又唔會離開我!

今日嘅分享就係咁撚多!多謝各位收睇!

 

 

作者:萬忽瑪利亞

萬忽瑪利亞
搵個人去愛太難,搵個人做愛易D。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 193937
Date: 2019-05-14 22:10:12
Generated at: 2019-07-17 05:36:47
Permalink: https://www.vjmedia.com.hk/articles/2019/05/14/193937/與其約炮,不如留喺屋企diy-好過!