Freakonomics 之嘲笑無用

 

泛民之流終於肯將香港立法會焦土為垃圾會,這廿二年來他們自詡神聖道德和理非政治正式收皮,人類文明嘅進步不嬲都係先講權謀拳頭再講文謅謅,希望呢班垂垂老矣嘅(鳩噏)民主老兵唔好再意圖或企圖行返轉頭啦,Good old days were good enough。

泛民幾子議會終於舒展筋骨,獻世派陳痕賓之流則繼續養尊處優地插水抽水,阿賓「聲稱」自己左手在議會衝突中受傷,佢煞有介事「包紮」傷手出來接受訪問,偏偏佢那副求其到令人慘不忍睹嘅三角巾功夫,而佢報稱右手受傷但紮起左手也是比臨時演員更跑龍套嘅行徑,如果我係外媒,真係會以為香港嘅議員原來係弱智的(其實大部份都係)。

不過大家恥笑還恥笑,獻世派要傳理嘅聽眾觀眾根本唔係仲識笑嘅閣下,如果佢獻世派嘅對手以為笑鳩佢能夠擴闊自己銷路,絕對係捉錯用神。

就如之前獻世派自編自導自演「428遊行五百蚊一位」WhatsApp 短訊,瞬間畀人秒笑,支持獻世派嘅信徒也是日日用 Whatsapp,會唔知道綠框係自己send嘅信息嗎?佢哋一睇到綠框框住一段冇頭冇尾「泛民$500買人頭參加遊行」嘅信息,難道沒有基本使用 WhatsApp 常識去辨別是非嗎?其實「是非」對今時今日仍在盲信 獻世派文宣嘅人來講真係一啲都不重要,大家別忘記而家仲支持得獻世派落手嘅人,佢哋並唔係瞓緊或者裝睡的人呢,佢哋根本好清醒 —— 他們要嘅根本不是真相或者公義正義,佢哋只係想有人話畀佢哋聽「香港冇問題,有問題都係泛民(替死鬼)嘅問題,香港冇泛民,股市五萬點,大家發大財」。

就算大家繼續嘲笑痕賓扮傷都扮得柒於常人,獻世派成班肥頭耷耳言行舉止都不屬正常又如何?呢班奉信獻世教嘅人並不需要事實,他們要嘅只係做西瓜靠大邊勝利球迷,任你泛民黃絲自詡道德高地有幾環境清幽風涼水冷,只要你班人用舊方法玩港共遊戲規則,泛黃活到2147都唔會有機會贏。

政治要贏,得兩個方法:一係文攻,你鑽盡制度空子去成為「議會嘅大多數」,建立自己一套玩法去統治呢個遊戲;一係武嚇,軍事又好暗殺又好,不擇手段拿下統治階級絕對權力(利伸:犯法嘅事千祈唔好做),兩瓣都冇膽冇魄力去做嘅人,就唔好吹得太大了。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 193948
Date: 2019-05-15 04:20:59
Generated at: 2019-06-26 21:18:44
Permalink: https://www.vjmedia.com.hk/articles/2019/05/15/193948/freakonomics-之嘲笑無用