【龍緯汶與南亞小女童】孌童變戀童,社民連杜振豪引述「兒童性自主」即係乜嘢取態?

 

 

香港反對派,自稱民主派,口講幫弱勢,口講權貴利用制度剝削人,好喇,去到真係有呢啲事發生喺佢地嘅友好身上,佢地係點應對架呢?

佢地唔會直接指出友好嘅錯誤,龍氏嘅錯誤係咩?

就係利用其NGO「幫助弱勢」作為藉口,親近被害人,取得被害人家人信任,然後引誘小女童同自己做出各種親密動作,呢啲親密嘢已經得到警方查出並獲傳媒報導,不作詳述,因為真係會作嘔。

重點有二:1)孌童癖;2)利用制度去欺壓弱勢

 

社會民主連線口號就係濟弱扶傾義無反顧,我都曾經嗌過好多次,口號,嗌就個個都識嘅,杜振豪而家係點呢?

就係咁

 

1)「孌童癖?唔係呀,係戀童症」

孌,即係兒童作為性玩伴,孌童癖,即係鍾意搞細路,係病態,而且變態,係癖。

將孌寫做戀,將癖寫成症,而家即係講到佢只係太鍾意細路?病左都好慘?咁牙?

社會係要進步。以前孫中山一妻N 妾玩到去日本食大月薰,嗰個年代係無問題架,再數上去,啲人十四五歲結婚洞房,三十幾歲做爺爺麻麻,咁而家你係咪反思完個論述之後覺得OK?

好喇我當你啱,咁嗰堆南亞女童呢?你見到佢地發育喇咩?

 

2)「兒童有性自主,唔係弱勢」

當個讀緊小學嘅細路女,被反對派同路人搞,佢地唔係立即出來譴責,而係顧左右而言他,又扮曬野喺度剖析下個社會,玩下思想實驗,玩下講理念,突然煞有介事同你講,兒童可以有性自主架。

就算個女童自願,唔知阿杜振豪,或者覺得佢無咩問題嘅其他反對派知唔知道,一個未發育嘅小女童,外陰一堆野係手指都唔會撩得入,都唔好話要分尿道陰道,更加唔好話擺野入去。

性自主就得?佢肯就得?然後呢?一定係血肉模糊的。

你覺得咁樣係可以自主,咁社會係唔需要有保障婦孺制度,社會都唔需要勞工法例,啲工人自己肯開工架,做死係你嘅事呀。

 

支援弱勢,對於香港反對派,只係一堆口號都還好,而家呢,有件人辦,係透過支援弱勢,搞細路女。

然後最恐怖嘅係,反對派嘅噤聲,反對派嘅開脫,反對派嘅無所謂,反對派嘅顧左右而言他。

IKEA 出個廣告,叫人食自己豆腐,明明呢啲就係性自主,就要百人寫信搞到去瑞典。

民主派出左個孌童癖,OK呀,反思下啲論述,撚下啲paper,睇下由邊啲精闢嘅典,搵呀搵,噫,我識你唔識,你唔讀書,無文化,咩呀,細路女都可以有性自主,你無讀書唔好講,收檔啦,咁。

嗯。真好。

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 194090
Date: 2019-05-19 04:05:58
Generated at: 2019-06-20 04:14:29
Permalink: https://www.vjmedia.com.hk/articles/2019/05/19/194090/【龍緯汶與南亞小女童】孌童變戀童,社會民主連