雞蟲同埋鳳姐都睇唔起龍緯汶。

政治 / 最新文章綜覽

 

 

本宮有個姊妹做護士,佢有舖做義工癮,佢其中一堆服務對象,就係性病患者或懷疑患者,咁有性病,從事啲乜嘢職業會比較容易有呢?都係性工作咁啦。

有妓女就有嫖客,妓女有性病,嫖客都容易惹到,嫖客有性病,都容易惹到俾妓女。所以我個護士姊妹接觸好多嫖客及妓女。

講開順便講,喺香港,性工作係合法嘅,理論上啦下,犯法嘅係喺街上面引誘人地做不道德交易,即係類似你行行下, 有妓女問你做唔做,咁咪犯法,或者依靠他人嘅賣淫維生,例如你開一個地方好多房,啲妓女喺度做,要拆賬俾你,咁係你犯法,唔係妓女犯法。

 

搞小妹妹,本來就係人神共憤。講真,本身出來玩得多,就知道玩細路女係幾咁仆街,幾咁罪該萬死。

所以呢兩日,阿姊妹話診所電視播龍緯汶,啲睇病嘅人都好激動。

啲阿叔梗係一副過來人嘅口吻:「你做乜唔叫雞呀?大人大者玩細路女?真係不知所謂。」

阿姐呢,做左咁耐,講起嘢上來都唔避忌:「佢貢矮,上來禁鐘仔牙,禾都未必bee 佢屌啵。」字裡行間真係完全睇唔起呢個「人」。

 

護士姊妹見得社會陰暗面多,佢好感概呀,呢單野,一聽到就義憤填膺嘅,反而係啲爛身爛勢嘅人,妓女嫖客會睇到嬲;而嗰啲道貌岸然嘅呢?就唔知去左邊。

佢話好多謝連登高登、BabyKingdom 呢啲討論區,連續咁多日,日日搵圖出圖,逼到連護苗基金都要出聲,咁警察就無得唔做嘢。

可惜佢一啲都唔樂觀,香港要吿強姦細路女係好難入,因為辯方會不斷chok 到個小妹妹前言不對後語,咁疑點利益歸於被告,就唔入架喇,好喇咁衰11 同埋製作兒童色情物品呢?最高監禁8年。

反觀南韓,喺《熔爐》(香港叫《無聲吶喊》)上映之後,有好多示威逼個政府改法例,仲要有追溯力,然後警方法院重新立案,拉番嗰條友重判。

香港呢?唔諗住喇。大家呢幾日睇到啲相,都唔係好食到嘢架喇。

 

作者:容嬤嬤

容嬤嬤
總編就梗係可以任開分身,開多個扮女人唔得咩?

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 194126
Date: 2019-05-20 03:10:09
Generated at: 2019-09-24 02:52:17
Permalink: https://www.vjmedia.com.hk/articles/2019/05/20/194126/雞蟲同埋鳳姐都睇唔起龍緯汶。