入到老牌名校，真係可以贏一世

點解家長知道小朋友入到老牌名校都仲可以咁開心喜極而泣仲話要筵開十席？明明好多人又話逃犯條例已經會令到香港陸沉，股樓大跌，港元脫勾，投資者信心崩潰，外資撤出香港；明明某老牌名牌派班學生上電視視目操流利普通話，又俾人屌打自我赤化同為咩要成為華春瑩二號；明明中美依家已經打緊貿易戰國難當前應該所有人都要抗美國，援強國，幫助國家打勝仗，點解呢班人可以咁撚開心？

所以又一次證明我地既眼光真係好狹隘。人地既目光先真係遠大，係佢地眼中，未來仍然充滿希望，小朋友入到名校，就算幾十萬一年，都係得到極其優質既教育，仲有好好既國情教育配套，一年唔單止參加校際音樂比賽會拎到總冠軍，仲可以去一帶一路交流團，或者去新彊地方睇下中華民族偉大復興，點樣多元種族文明融和互相開心共處，對國家又充滿幾分了解，終於認定過往香港人對上面種種不信任都係多餘的。國家既發展真係同上水屠場又要做清潔一樣，發展一日千里。

所以你地班友日日係度鍵盤戰線，無用架。唔好再質疑點解明明有層樓已經做左人生贏家大過左大把女痴身，都仲要去高等學府叩門，呢啲完全真係兩碼子既事。所以果陣一早都話馬照跑舞照跳係岩架。鄧小平無呃我地，就算依家逃犯條例都有得傾，確保到有錢有權既人士可以暫時安到心。咁幾好呀。做人真係唔好睇得咁遠，依家入到拔萃喇沙，真係同老公講：

點止開心個結婚呀，仲開心過洞房呀。不如今晚就黎料，追多個啦，有件大既自動有分加呀。老豆一定應承，含淚感戲上蒼，生仔教港，有前途，有後路！

作者：鵝鑾鼻燈塔

前高登講故人。現為廢中。努力抵抗中年危機中。FB PAGE：https://www.facebook.com/Ellan.Ou/

閱讀後覺得好，請多多讚好及分享～：）