令和出世嘅日本人唔識七三一部隊細菌戰,真係垃圾忘本無常識。

 

 

你好威威係有生之年見識過,所以你知,OK無問題。但係對於新一代黎講,相隔佢既年代隨時有二十年,對於佢地黎講,所有野都唔係有血有肉。就算你俾血肉橫飛子彈橫飛既畫面佢睇,呢啲唔係親自經歷既野,不過係一條資料片段。更何況如果真係屋企人無講,學校無教,先生無自己拎出黎講,然後朋友之間又真係無人談論,咁人地真係唔知。唔係扮唔知,咁點解都要被口諸筆伐呢?

如果突然一劈頭咩都唔講唔準GOOGLE叫你講咩係Die Endlösung 你知唔知係咩?下你唔知有無搞錯呀,人類最大規模既猶太人大屠殺你都唔識,仲要俾德國人包裝作為最終解決方案渣喎。咁你唔識,係咪又代表你對歷史唔夠反省,唔肯面對人類既陰暗面呢?真係好笑。

作為一個現代社會既人黎講,我以為好多人應該已經好清楚知道,知識係接近無限既,更重要既係知識既傳授方法,即係教育,究竟有無用岩方法。唔識唔緊要,個問題係最後佢地長大之後係咪知所善惡。而唔係單純佢唔知XXX,就走去恥笑佢地。佢地對歷史真相一無所知,更加應該鞭策既,其實係咪已經係成個社會已經變質、事事都自我審查既白色恐怖呢?

德國人一直強調自己係二戰犯下既錯,所以佢地有包袱,好既係佢地有高既道德精神,唔好既係佢地思想容易太過左傾而被利用。相反,日本人唔係太肯再講自己侵華所犯下既戰爭罪行,咩七三一部隊咩細菌戰唶,唔係NHK之前真係拍過一個節目真係專案拎出黎講,大把舊一代新一代既日本人都唔知啦。呢D野唔好講話OUT晒C,而係政府都唔會教。正如依家香港既中史現代史一定直入改革開放後一片歌舞昇平,一九八九年政治運動平息,無事發生至有今日發展既經濟發展論。要論,都係論鄧小平思想,然後三個代表,科學發展觀以至依家既中國特色社會主義思想啦。

一直都覺得,讀歷史唔係齋背歷史事件呀,雖然考試係咁考。而係了解點解會發生,以及當中既人性呀。最後必然就會得出:人類總會犯下同樣錯誤既必然結論。有D野真係心態問題,改變唔到就係改變唔到。政權係咁,人有時無知係上黎,其實都係一樣。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 194911
Date: 2019-06-04 17:36:38
Generated at: 2020-10-25 02:08:50
Permalink: https://www.vjmedia.com.hk/articles/2019/06/04/194911/令和出世嘅日本人唔識七三一部隊細菌戰,真係垃