買六合彩來計劃生活?

 

最近有個泛民和理非老友C,叫我參與反逃犯條例。我問 2047 一國一制早晚會來,推個波比D 細路咁好咩?

佢意思係,未來能保住一國兩制的機會幾微都好,此刻點都想守住,也為下一代守住。

我明,我真係明。就好似買六合彩,機會幾微都好,都要博一博一様。

OK,不過你唔會為一個極少可能發生的事,而去計劃你未來既生活,係咪先 ?!即係話大部份人都係將計劃放係一D好可能發生的事情上面。

要講到下一代既話,就不得不提 2047 一國一制!眼見班泛民,面對逃犯條例都驚成咁,下一代要直接面對一國一制咪比死更難受;可恨的是,在今天「港共」終按奈不住要「猛火煮蛙」,令泛民再一次能號召數十萬人既形勢下,仍只係叫大家「反送中」?!去貪戀佢地口中憎恨既「温水煮蛙」? 我真心覺得好諷刺。

噢,原來大家搞個大遊行都只係為張慈善獎卷,中左都只係俾大家開心一個假期,對下一代的未來跟本起不了作用!究竟係咪搞錯左D咩 ?!

基於[計劃是放在極可能發生的事情上 ~ 一國一制],在我來看,逃犯條例反倒是一個壓力測試,真心為下一代,並不應寄托在一個三十年後極小可能發生事情上( e.g. 中共倒台,中共自我反省呀,民主會係天跌落黎咁俾香港人 ), 提早感受「三十年後香港大慨的狀况」,親自替代下一代去承受這個變化,正所謂「窮則變,不窮不變」 ,輸到冇野可以輸來求變,也全非壞事。

至於泛民你地只單單「反送中」冇問題,但可唔可以唔好口口聲聲、振振有詞咁話係為左 「香港的下一代」 呢 !。。。真係難聽過粗口!

有人話 2047 係下一步。下一步?嘿。。。逃犯條例要過前你都唔敢講,仲有得等?

是否一直等,等到退休同仔女講 ~ 自已買足三十年六合彩,已經叫努力過?!叫為左下一代 ?泛民,這是黑色笑話嗎 。。。?

 

作者:水巷手蜀

唔好問我點解係手蜀,唔係犬蜀 。唔比人講,就越要講 。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195020
Date: 2019-06-07 02:45:18
Generated at: 2020-08-15 09:59:19
Permalink: https://www.vjmedia.com.hk/articles/2019/06/07/195020/買六合彩來計劃生活?