【嗚巴軼事】咁好彩車著個「旅遊達人」. . .

(圖文不符)

 

旅遊專欄同旅行書大家都睇得多,但係做旅遊專欄大家又知幾多?今晚呢程車真係長知識了。

今晚好好彩有張單入機場,亦好好彩好快有車出返去。Circle (化名)同佢朋友去完旅行返黎,就叫車返鑽石山屋企。行到青馬大橋個陣,阿Circle就撩我傾計,問嘅當然係怕唔怕拉個啲啦,咁我黎黎去去都係話「驚就唔做,做就唔驚」之類啦。之後我就問佢做姓行,Circle 話佢做旅遊專欄。

Circle 大大話話做左十幾年旅遊專欄。初初佢係做雜誌嘅時裝專欄,後來某「人之大欲存矣」嘅雜誌叫佢試吓寫旅遊文章,寫寫吓就變成而家咁。由當初受僱變成自僱,佢曾經幫過唔同雜誌寫過旅遊專欄,而家主要同某「財經新聞」報紙寫旅遊專欄。而主力係做長線(歐美)嘅旅遊介紹。當然,淨係靠幫報紙雜誌寫就冇咩用。有時Circle都會接吓旅行社嘅job。例如寫一個全版專欄(約1800字),就要有四分一版面sale吓旅行社咁啦。幫旅行社寫文有個好處,酒店機票點都搲到好嘢,例如係「酋長航空」頭等啦。除咁以上兩樣之外,Circle 亦有受各國旅遊局邀請,介紹吓唔同國家景點俾香港人識。

至於Circle有冇出過書?係有嘅。不過佢話唔賺錢,除非本身係名人,出書係為左啲副作用(搞吓簽書會,谷吓人氣之類),否則出書實質冇咩錢落袋。原因係一本書賣個百零蚊,作者落得袋都只係三四成,而且每次印嘅亦唔多,就算係有名氣嘅作者,首版都係印幾百本;如果係搵出版社出的話,出版社又食左一大部份,出書真係冇咩錢賺。

我都有問過Circle 會唔會同啲KOL一齊合作去旅行拍吓嘢咁。佢就話試過一次就有啲怕。原因係佢試過一次,個KOL影一張相都搞左好耐(一影就影好多張,跟著又即場揀好耐),作為以文字方式記錄嘅佢黎講就有啲怕怕喇。

最後,講到旅遊書,我哋異口同聲覺得,封面閃令令嘅,係唔得嘅。

 

【嗚巴軼事】

 

作者:車上人間

一個男人一架車,見盡香港人和事。

閱讀後覺得好,請多多讚好及分享~:)

其他熱門文章

  • 【PR】傳奇戰略遊戲系列回歸《Company of Heroes 3》2022 年 PC 平台上架 by VJGamer
      《Company of Heroes 3》戰役大解析影片公開 傳奇戰略遊戲系列強勢回歸。到美不勝 […]…
  • 《哪一天我們會飛》:從前有一個人,佢追求夢想,後來,佢死咗 by 江澄
    不過全齣戲教我最不舒服的是很多人讚,最後很多只模型飛機在獅子山前翱翔那幕。沒錯,畫面是很美,這場戲也有point,既達成了余鳳芝同時放一萬隻紙飛機的夢想,同時也是悼念早逝的好友。只是,回學校做這件事也算了,為什麼要一班完全無關的師弟妹參與,…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《三夫》– 肉慾背後的香港眼淚 by Kenneth Ng
    整套《三夫》有一半時間是性愛場面,但看的時候一點快意一點賞心悅目的感覺也沒有,反之是看得膽顫心驚、滿腔沉重。 […]…
  • 我去做占變大隻小鮮肉,去做愛至少有快感,我去遊行,然後呢? by 健吾
    昨天,去派對,見到第一個認識的人,是在雨傘中,天天瞓街的一個小孩。那時候小孩俊美得很,卻乾瘦一點。昨日再相逢,已變成一個肌肉小鮮肉。胸罅可以夾爆西瓜那種。他一群人,去曼谷瘋狂跳舞派對都不會再去一一大遊行,這代表什麼?是共產黨太厲害,還是反對…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
歡迎讚好我們的facebook page,免費資訊源源送上。

文章資訊

ID: 195024
Date: 2019-06-08 05:51:22
Generated at: 2022-01-24 12:29:49
Permalink: https://www.vjmedia.com.hk/articles/2019/06/08/195024/【嗚巴軼事】咁好彩車著個「旅遊達人」