我地呢一代係最後一代的香港人。

政治 / 最新文章綜覽

 

我認為從戰後嬰兒一代成長開始,六、七十年代係香港文化嘅萌芽期。香港文化除咗會拼會捱嘅所謂獅子山精神外,更重要係大眾對開明文明嘅重視同理解。基本嘅道德觀念、法治精神能夠體現於社會上。由教育開始,學校能夠提供一個教導是非對錯黑白嘅良好環境。而社會輿論到電影文化藝術層面上亦能通俗地宣揚正確嘅道德品格思想。

再回望動盪嘅六十年代,往後就係廉政公署嘅成立。廉政公署帶俾香港嘅影響除咗幫助香港提高廉潔程度、打擊貪污罪行外,更讓香港市民整體地提升廉潔公平公正嘅思想同道德水平。香港嘅黃金年代係八十、九十年代,經濟發展一日千里,香港人身分亦隨財富累積而提升。孕育出一種 #香港人彷似就係高人一等 嘅意識形態。隨後經濟環境轉變、政治因素影響,香港金融中心地位從高處滑落。到近年香港已變成一處於瀕死邊緣掙扎嘅城市。語言與文字已被磨滅蠶食,所謂文化亦被北方嘅中國人睇低,如地底泥一樣。

我地呢一代所緊守嘅唔係過去財富上嘅光輝,亦唔係所謂嘅獅子山精神,而係作為香港人嘅一種自知、一種對本土語言文字文化自我肯定嘅價值。

能夠驚覺危機才可以處理而家嘅困境,希望我地嘅下一代亦可以繼續傳承香港人嘅價值。講廣東話、寫正體字,唔要局限於所謂北望神州嘅狹窄思想、要眼望國際先係真真正正嘅香港人。

 

作者:麥錦鈿

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195101
Date: 2019-06-09 05:07:50
Generated at: 2019-08-18 14:13:56
Permalink: https://www.vjmedia.com.hk/articles/2019/06/09/195101/我地呢一代係最後一代的香港人。