非暴力抗爭,只有散水一途 ?

 

 

大家今次驚成咁,好多人終於肯行一步,表個態,但成百萬人係咪冇其他野可以做到?係咪人多到可以入健力士就覺得好威,好有成就?!見好多人真係見到個數字已不亦樂乎,直頭聽到佢地開咪笑出黎,好似已經贏左咁,究竟呢班人知唔知自已想要D咩?!係咪掌聲??

廉價既抗爭好容易,要表態也不是問題,但除左令世界俾多D掌聲你,根本睇唔到你有幾想得到你想要既,大家都識講No Pain, No Gain! 但又有幾多人有這種覺悟。

唔係叫大家勇武,就算只係叫你地唔散,警察要趕你,有組織咁去九龍,再趕你就返去中環,一百萬人分三更,已經可以不停坦渙道路,大家聽到係咪已經唔願;再積極D既罷工,罷學,坦渙社區,但又有幾多人能為爭取而認真付出?!

原來成百萬人都只係同人講自已好驚,同D懦弱膽小既角色見到獅子老虎只懂腳軟大叫之外,就咩都唔識做有咩分別?!仲好意思話係咩香港人既驕傲?!

題外話,我唔明點解有民眾自發圍緒立法會,積極要求回應,泛民唔係後方提供協助及支援,而係不停的劃清界線,叫支持者散去。。。

諷刺既係,年年叫人悼念64,呢班人同當年叫64學生散去既人有分別?!

新一季「進擊的巨人」有一幕講到一班士兵準備要戰死,究竟具有咩價值,最後得到的答案係「價值是由能活著的人去給予的」,泛民支持者,面對犧性了的64學生,一眾獄中義士,同依家擋係獅子老虎前面的人,好想知道你們究竟給予這些人怎麼樣的價值。。。!

 

作者:水巷手蜀

唔好問我點解係手蜀,唔係犬蜀 。唔比人講,就越要講 。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195160
Date: 2019-06-10 05:15:07
Generated at: 2019-09-19 05:31:04
Permalink: https://www.vjmedia.com.hk/articles/2019/06/10/195160/非暴力抗爭,只有散水一途-?