如果你三十歲以下諗住呢兩日全副武裝去野餐,請你記住你無責任為班四五六十歲中產去坐監去被警察打

 

以下說話好難聽(每次都係)香港人,其實你地無贏嘅決心就唔好再呃人氹人出嚟反呢樣反講樣。難聽啲講,你哋只係好享受自己可以一直可以投訴。超過咗投訴層面嘅,你哋就唔人做唔想做,呢個係香港永遠唔會有「抗爭」嘅原因。大家好驚付出成本。我…

麥子桓發佈於 2019年6月10日星期一

 

香港有無得救,點救,我諗我無咩興趣探討。

香港係咪好差?我當係先。搞成咁,邊個責任?

民主回歸派,七幾年讀大學嘅話,講緊而家大約係五六十歲。

97前可以出來做嘢,享受曬香港經濟起飛,可能有兩三層樓,可能做到中高管理層,講緊而家大約四五十歲。

如果要講抗爭嘅本錢,呢班四五六十歲中產係最多,就算坐監,大不了賣樓。

但佢地唔會咁。

因為佢哋喺香港,其實生活得好好,你地睇下飯民啲頭面人物,專業人士、仔女外國讀大學、有樓有股票,佢地唔係輸唔起,只係太多嘢根本唔想付出。佢地就算坐監,大不了賣樓,都可以食過世。

但佢地唔會咁。

而家五六十歲啲廢老點解可以口口聲聲話你地唔長進?因為佢哋嗰個年代,就算做基層工作,揸巴士都可以養全家,買埋樓食埋經濟起飛就做百萬富翁。

中產,四五六十歲,佢哋為左香港付出過啲乜?流汗呀?百萬行咪就係最多呢啲。

 

如果你三十歲以下,覺得香港好差,覺得要改變,咁諗係啱架。

如果你覺得逃犯條例通過,歐美列強制裁會搞到香港無運行,經濟崩盤,你想阻止,咁諗都係啱架。

問題係,香港唔死,最大得益係咪你呢啲後生?

咁今次要拯救香港,點解係你地呢啲後生去犧牲?

 

今時唔同往日,琴晚啲警察有幾進步,睇新聞片段又好,參與者分享又好,個進步係非常咁恐怖——佢哋好有策略,圍師必缺,即係一定俾路你走,一係你就逃離現場,一係你就入左包圍網;佢哋好兇狠,佢哋揮棍唔係警告你,係要打死你,個警察誤食一棍已經坐低左。

太多人講,百萬人鳩行,所以要做啲嘢,要比鳩行更進步,啱架。

但唔該,唔係你地呢啲後生嘅做。

搞到香港咁,係嗰班四五六十歲嘅人,佢哋想保住啲資產,要進步抗爭就應該佢哋自己付出,付出乜嘢都好,佢哋自己諗,佢哋自己承擔。

但係你睇下,飯民啲議員仲怕自己無左個議席多過乜。

三十歲以下,You owe Hong Kong nothing. 就算香港經濟大崩盤,大洗牌,OK 便利店都日日請人,最驚一定唔係你地,而係有樓有股票,喺大公司做中高層嗰班,連佢哋都鳩行,點解你要衝去被警察打被警察拉被法庭判你坐監?點解你付出自己人生拯救一班佢哋唔救自己都算,仲係有份建構你而家令你受緊苦嘅香港嘅人?

就算要抗爭,最應該鳩行鳩坐就係你地呢班後生。衝?等班中產自己衝飽佢啦。

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 195189
Date: 2019-06-11 05:15:17
Generated at: 2020-07-08 03:22:12
Permalink: https://www.vjmedia.com.hk/articles/2019/06/11/195189/如果你三十歲以下諗住呢兩日全副武裝去野餐,請