呢個世界根本冇geass:寫在6月9後

 

我去6月9遊行前,睇咗《復活的魯魯修》(《叛逆的魯魯修》10週年新出嘅劇場版)。

我第一次睇《叛逆的魯魯修》,係小學J2 播嗰陣。記得第一季有集,帝國皇女柯內莉亞屠咗成個貧民區,我老豆見到,就「哇好血腥」唔准我再睇。從此,就自己上網搵嚟睇。

《叛逆的魯魯修》當年好受好評,其一原因,係個setting好少見——反派格主角,帶住一堆恐怖分子反抗殖民統治。雖然弱小,但總做到戰無遺計、逢凶化吉。曾幾何時,佢發揚咗好多人「中二病」嘅一面——幻想自己好重要、獨具慧眼、聽我咁做就贏硬、㩒個掣就可以炸撚死曬班仇人。

呢啲病態,apply落6月9遊行現場,都係一模一樣——一句句自大又on9嘅「咁多人今次睇林鄭點收科」。事實上,你仇人活得好好,佢屎都懶得俾。

有一段時間,我幾鍾意攞魯魯修講一啲政見、社運道理。誠然,𥚃面堆邏輯係啱嘅,但我忽略咗最重要、最重要嗰樣嘢——魯魯修有geass(incase你冇睇過,geass係一種令人絕對遵守自己命令嘅能力)。如果冇geass,佢第一季第一集已經死撚咗。因為有geass,佢開一開眼,就有人撞邪咁自動幫佢實踐、有成隊軍隊幫佢衝。

一百萬人,有5%肯衝,立會班差佬已經死曬——一把格洛克最多咪17飛,我俾佢攞盡十個彈匣,一擁而上,殺得幾多個。呢啲數,係人用純粹理性都識計、都識指點江山。

但永遠唔會發生。

一百萬人入面,只有極少少少數認清呢個現實嘅人,仍然鼓起最大嘅勇氣照衝,佢哋係最可敬嘅,毋庸置疑。比較on same page嘅人,會心痛、咬牙切齒、自責。但更多人唔係咁諗,你俾geass孔令瑜、Figo Chan、David Tang嗰類人,佢亦只會命令一百萬人花車巡遊。

而可幸又不幸地,大家都冇geass。到最後,我哋只能努力駁斥啲不實嘅事、講清一啲原理,希望影響足夠多嘅人。

《復活的魯魯修》,非常fans向、非常美好。曾經兵戎相見、血海深仇嘅帝國殖民者、反抗軍,全部互相理解、通力合作,開心得好夢幻。但世界永遠唔會向呢個方向發展。我哋冇geass、唔識長生不老。我哋只係盡量求生。

 

作者:那嗣

香港人。努力邁向全知全能。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195213
Date: 2019-06-11 07:29:58
Generated at: 2019-06-20 04:12:05
Permalink: https://www.vjmedia.com.hk/articles/2019/06/11/195213/呢個世界根本冇geass:寫在6月9後