好多香港人只係唔想輸,並唔係想贏!

 

屌你老母。

Kian Lee 發佈於 2019年6月10日星期一

 

103萬人和平上街表達民意,其實相信曾經參加過社運嘅人心底裡都知道政府係唔會理,結果集會之後仲要出聲明話會繼續二讀,第二日林鄭一樣講埋啲廢話! 而就係6月9號晚民陣宣佈集會結束之後,現場有人留守,可能係響應眾志,可能係唔甘心過百萬上街但換來政府一個「Notes with thanks」的姿態,最後一班留守嘅年青一代,都係寡不敵眾,潰散嘅潰散,被捕嘅被捕。

然後連續幾日都有人係到互相指責,一邊就話呢班留守嘅人,「衝嘅就係鬼,戴口罩就係鬼」、「和平遊行俾你班人搞彎晒,全世界都見到我地和平爭取架」;另一邊就話「5年都無進步,仲以為和理非會有用,香港人真係唔配有民主」等等。

一聽到呢啲說話,廢青真心覺得其實5年來最無進步嘅就係仲要拗呢啲嘢,點解一定要互相指責,唔可以互相合作?大佬呀而家咩時候喇,6月12號已經要二讀、三讀,都命懸一線,仲係到玩小學雞嗌交?

有幾點感受都想講嘅,果班人話「衝嘅就係鬼,戴口罩就係鬼」,喂而家人地有無係你地法定集會時間內衝先?民陣宣佈集會結束,過晒法定時間,果班義士先衝架嘛,人地都無求你出嚟幫手,你班坐係屋企嘅人都不至於要落井下石啦係唔係呀?仲有呀,眾志係政總叫咪要幫手,民陣果頭就叫人走係咩意思呀?咪又係擺明話俾人知,我地同眾志唔同架,我地唔支持佢地留守包圍架,講到尾又係唔合作囉!仲有戴口罩,連盧署長都識得話戴口罩係為咗保護自己想犯完法無人認得佢呀嘛,點解又會有人覺得戴口罩就係鬼呢?

講「和平遊行俾你班人搞彎晒,全世界都見到我地和平爭取架」呢類說話嘅香港人,呢班人我都幾肯定只係唔想輸,並唔係想贏! 當你地身水身汗,一家大細出嚟由天光行到天黑,一個鐘政府就出聲明當你地無到,唔通仲咁天真以為和平上街真係有用嗎?肯衝果班同和平上街果班,大家都係有同一個想法,就係要反引渡條例,大家方法唔同姐,殊途同歸。既然好明顯見到和平無用,有人想試下衝擊都好合理啊,如果6月9晚真係成功,話和理非果班人係唔係會咁清高話:「我唔要民主」? 時間好寶貴,唔好浪費係內鬥啦好嗎?

各位香港人,今次真係唔係講玩,如果條例一過,香港就會End Game。係議會入面,我地無野可以做到;係生活,我地仲可以齊心行動去力挽狂瀾!特首唔係民選,103萬人的遊行對政權係不痛不癢,咁我地就盡力令佢有感覺囉,罷工罷市罷課,要有成果,就要付出,你坐係到唔返工都唔會有糧出架,道理都係一樣!我見到好多人已經做緊,但係唔夠啊,令政府見識一下香港人嘅力量!

 

 

作者:廢青

廢青
好多廢中廢老叫我哋做廢青,但佢哋唔明白,今時今日仲可以生活係香港嘅廢青,先係最堅毅不屈,最熱血無私。廢青唔係一種身份,係一種態度。

歡迎廢青們同我分享你哋嘅廢青故事,正面又好,負面又好,一齊用廢青角度睇呢個世界!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195228
Date: 2019-06-11 16:28:36
Generated at: 2019-06-20 04:11:57
Permalink: https://www.vjmedia.com.hk/articles/2019/06/11/195228/好多香港人只係唔想輸,並唔係想贏!