不服來辯

 

首先想係度用一句我中學聽過好多次嘅說話為嚟緊我要講嘅野做點題: 「未雨綢繆」

自逃犯條例一出,所引發嘅迴響比03年23條立法個陣大好多。社會亦極速分為兩大陣形-「你唔犯罪咪無事囉」嘅支持派同「嚴重侵害香港民主自由」嘅反對派。

反對嘅聲音相信已經大到係人都聽到。所以我無必要再三論述。我呢篇野,主要係針對支持派嘅人講嘅。

「你唔犯法咪無事囉。」就咁聽落去,又真係無錯。的確,你唔犯法,又唔會有人拉你嘅。但有無諗過,法律都係政府訂?佢只要修例,你就會有機會犯法,又或者係唔小心做咗都唔知而犯法。例如話,紅公仔唔俾過馬路,想問,呢度有無人試過紅公仔照過馬路?「我一直好奉公守法㗎喎,綠公仔先過馬路」。OK,咁如果政府修例話,如果紅公仔着咗個陣,有警察覺得你有意圖想衝紅燈,就會犯法,咁點算?「企定定咪無野囉。」佢覺得你有意圖就拉得你啦,重點係「佢覺得」,咁就入到罪。同樣道理,今次修例,老實講,我雖然成鬧政府,鬧中共,但犯法嘅野,我無做過。但唔代表他日政府通過咗呢條例後再修例,咁到時我有無犯法,都係因應當時嘅律法而定。就好似以最新修訂嘅逃犯條例,商家佬係大陸衰十一(即與成年少女發生性行為)唔會被移交㗎。即係本身需要移交㗎,但依加唔使啦。所以,唔係一句「唔犯法咪無野囉」就可以解決晒所有野,你犯唔犯法,係由當權者所訂嘅法律嚟判斷。

「你唔鬧中共,香港政府咪無野囉。」買菜貴咗,搭車貴咗,港鐵加價,4000蚊咁耐都未排等,係人都會鬧啦。咁係咪都係鬧緊政府?政府無補貼,所以買野搭車先貴; 行政效率低,所以咁耐都未攞到4000蚊;政策偏權貴,所以商人衰十一唔使俾人拉;星斗可以點?咪唯有跪低。如果佢第時法律修訂咗,將批評政府嘅人都定罪犯,咁點算? 要記住,法例係可以修訂,佢今日講話被判7年以上嘅罪犯先會移交,難保他朝政府話3年以上就移交。咁到時先發現,你仲可以阻止咩?

或許有人覺得,無錯,逃犯條例係要反,但唔使衝擊囉,太暴力啦。有無諗過點解要衝先?點解會有人同意去衝擊先?因為想搞破壞?有無人咁無聊呀?俾啲差佬打㗎喎,留案底㗎喎。值咩?由03年到魚蛋革命,香港一直用和平理性非暴力嘅遊行,佔領,到魚蛋革命掟下磚就被定義係暴徒。大佬呀你唔好咁痴線啦!其他國家暴動又掟手榴彈,又掟燃燒彈,到處破壞㗎,香港個啲,小巫見大巫咋。一直以嚟嘅和平,爭取到啲咩?今次有106萬人示威,政府同你講,意見聽到啦,但條例會照去。大巴大巴摑落班和理非支持者到。等於大家細個想買玩具,阿媽唔買,大家都會扭計喊,愈喊愈大聲,之後俾阿媽打,再喊大聲啲,有啲就訓地下,有啲隻手亂咁打。但可惜,政府係一個唔會愛錫自己親生骨肉嘅阿媽,反而會愛錫外面嚟仔女同奸夫(中共)。所以有人會選擇去衝擊,去希望政府聆聽人民嘅聲音。

嚟緊6月12號,有個唔使用暴力嘅方式去表態,翻緊學嘅人,記住罷課不罷學,翻緊工嘅人,射波啦。同公司講心?仲有,香港人成日都射波㗎啦。一日無責任,唔代表你平時無責任,而且,香港人呢個責任,幾時都比你份工大,因為呢個係你嘅身份。

所謂「未雨綢緞」,就係趁條法例未實施之前,推倒呢條法例,防止政府成為中共爪牙後更隨意滅聲,避免令香港人動輒得咎。

附一
修訂版逃犯條例,會被定為犯罪者如下:
1. 謀殺或誤殺(包括刑事疏忽導致死亡);構成罪行的殺人;意圖謀殺而襲擊。
2. 協助、敎唆、慫使或促致他人自殺。
3. 惡意傷人;殘害他人;使人受到嚴重或實際身體傷害;襲擊致造成實際身體傷害;威脅殺人;不論是以武器、危險物或其他方式蓄意或罔顧後果地危及生命;與不法傷害或損害有關的罪行。
4. 性罪行(包括強姦);性侵犯;猥褻侵犯;對兒童作出不法的性方面的作為;法定的性罪行
5. 對兒童、有精神缺陷或不省人事的人作出嚴重猥褻行為。
6. 綁架;拐帶;非法禁錮;非法關禁;買賣或販運奴隸或其他人;劫持人質。
7. 刑事恐嚇。
8. 與危險藥物(包括麻醉藥、精神病科藥品,以及在非法製造麻醉藥及精神病科藥物時所用的先質及必需的化學品)有關的法律所訂的罪行;與販毒得益有關的罪行。
9. 以欺騙手段取得財產或金錢利益;盜竊;搶劫;入屋犯法(包括破啟及進入);盜用公款;勒索;敲詐;非法處理或收受財產;偽造帳目;與涉及欺詐的財產或財務事宜有關的任何其他罪行;與非法剝奪財產有關的法律所訂的任何罪行。
10. 破產法或破產淸盤法所訂的罪行。
11. 與公司有關的法律所訂的罪行(包括由高級人員、董事及發起人所犯的罪行)。
12. 與證券及期貨交易有關的罪行。
13. 與偽製有關的罪行;與偽造或使用偽造物件有關的法律所訂的罪行。
14. 與保護智慧財產權、版權、專利權或商標有關的法律所訂的罪行。
15. 與賄賂、貪污、秘密佣金及違反信託義務有關的法律所訂的罪行。
16. 偽證及唆使他人作偽證。
17. 與妨礙或阻礙司法公正有關的罪行。
18. 縱火;刑事損壞或損害(包括與電腦數據有關的損害)。
19. 與火器有關的法律所訂的罪行。
20. 與爆炸品有關的法律所訂的罪行。
21. 與環境污染或保障公眾衛生有關的法律所訂的罪行。
22. 叛變或於海上的船隻上所犯的任何叛變性的作為。
23. 牽涉船舶或飛機的海盜行為。
24. 非法扣押或控制飛機或其他運輸工具。
25. 危害種族或直接和公開煽惑他人進行危害種族。
26. 方便或容許任何人從羈押中逃走。
27. 與控制任何種類貨物的進出口或國際性資金移轉有關的法律所訂的罪行。
28. 走私;與違禁品(包括歷史及考古文物)的進出口有關的法律所訂的罪行。
29. 關乎出入境事宜的罪行(包括以欺詐方式取得或使用護照或簽證)。
30. 為了經濟收益而安排或方便任何人非法進入某司法管轄區。
31. 與賭博或獎券活動有關的罪行。
32. 與非法終止懷孕有關的罪行。
33. 拐帶、遺棄、扔棄或非法羈留兒童;涉及利用兒童的任何其他罪行。
34. 與賣淫及供賣淫用的處所有關的法律所訂的罪行。
35. 涉及非法使用電腦的罪行。
36. 與財政事宜、課稅或關稅有關的罪行。
37. 與從羈押中非法逃走有關的罪行;監獄叛亂。
38. 重婚。
39. 與婦女及女童有關的罪行。
40. 與虛假或有誤導成分的商品說明有關的法律所訂的罪行。
41. 與管有或淸洗從觸犯本附表所述任何罪行所獲的得益有關的罪行。
42. 阻止逮捕或檢控曾犯或相信曾犯本附表所述罪行的人。
43. 任何人可因其而根據多邊國際公約被移交的罪行;由國際組織的決定所訂定的罪行。
44. 串謀犯欺詐罪或串謀詐騙。
45. 串謀犯或以任何種類的組織犯本附表所述的任何罪行。
46. 協助、敎唆、慫使或促致他人犯本附表所述的罪行,或(作為犯本附表所述罪行的事實之前或之後的從犯)煽惑他人犯本附表所述的罪行,或企圖犯本附表所述的罪行。

 

作者:宇文英業

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195238
Date: 2019-06-11 21:46:03
Generated at: 2019-10-19 04:11:06
Permalink: https://www.vjmedia.com.hk/articles/2019/06/11/195238/不服來辯