好仔唔當差

 

香港警隊以為同無線拍一套機動部隊既喉舌劇,講下警察D心理掙扎,就可以令到市民理解警察既苦衷,然後達到提升警隊形象既效果?

徙撚氣啦。

你依家咪唔單止向全香港七百萬人直播宣傳自己囉,唔單止咁,全世界各地都唔會睇到你地點樣開槍對付無辜既市民架。好既聲譽,需要長年累月去一點一滴累積,但係唔好既惡名,一野就可以打殘你所有野。呢D就係好事不出門,醜事傳千里。你地係都要靠攏強權呀嘛,要與廣大市民為敵呀嘛,仲覺得自己只係執法者同埋正義使者呀嘛。只要此風一長,你地注定永遠活係自己世界架啦。翻唔到轉頭架啦。

我聽聞你地唔想俾人叫黑警?覺得俾人叫做狗,叫做慈母,非常委屈?你地已經忘記左你地係人民公僕喇,你地亦都忘記左自己既權力,雖然係法例賦予,但係其實亦都係人民賦予既。我唔想講太多廢話,但係中華人民共和國憲法,應該都會係咁講。就係警察係絕對唔應該用槍指住市民。雨傘之後,依家再黎多野六一二,再加上無數既休班警事件,暗角事件,你地以為仲可以洗到底嗎?唔會既。

 

【有警員拍照留念】經過警方連番驅趕後,大批反對修訂逃犯條例的示威者,傍晚退到中環干諾道中。有數名警員在驅散行動後,面露笑容,拍照留念。#香港電台 #港台電視31 #港台電視32 #十點半新聞天地 #逃犯條例

香港電台視像新聞 RTHK VNEWS 發佈於 2019年6月12日星期三

 

人唔記得好既野,好快。但唔好既野,一世留低。所以人多數唔感恩,但係好記仇。你地自己要揀一條咁既路,我都無你地辦法架。警權唔自我克制,變成濫權,就係必然結果。尤其是當你地就到鼓勵,所作所為受到鼓勵,你地只會更加覺得自己係做緊一件好有使命感同好光榮既差事。人地誤解,你地已經唔想理,亦都唔會幫自己作申辯,好快就會自我意識變得非常良好。

鏡頭面前見到你地絕不手軟。對於人個頭黎開槍呀嘛。係要對住人地個頭黎噴胡椒噴霧呀嘛。睇你地既純熟程度,應該係平時操練左無數次再清金鐘既訓練有素既結果。我深信你地有部份人甚至好興奮,終於都有得學以致用,對真實既血肉揮棍舞遁,掟GAS,開槍。追打佢地,追捕佢地。推佢地落地,然後肆意去羞辱呢班所謂暴徒。無野格,揀到呢條路,你都唔駛旨意有人會同意香港警察仲係保護市民既好警察。

呢世都唔會。呢一世都唔會。我不講天理報應循環。我唔信呢D。但你地肯定會被世世代代所詛咒,自不必說。好仔唔當差呢句話,肯定又會再一次係香港流竄。仲有,我好有教養,我唔會講你地衰過做雞。因為正如倪匡所講——

我不嬲都好尊重妓女。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 195296
Date: 2019-06-12 23:55:13
Generated at: 2021-06-13 14:29:50
Permalink: https://www.vjmedia.com.hk/articles/2019/06/12/195296/好仔唔當差