我冇歧視,我只係好客觀咁講黑警係仆街。

 

身位香港人,依幾日都一定會為一眾手無寸鐵但被全副武裝嘅黑警追打甚至命危嘅市民感動憤怒又無奈。好多人都話黑警有幾咁賤、有幾鐘意對人使用武力、同納粹有幾咁似,但都有人選擇去撐黑警只係返工只係做嘢罪不至死。到底黑警係咪咁仆街?不如我地又客觀咁睇吓。

由黑警事前喺IG嘅興奮宣言、過程中追到落地鐵站噴胡椒水、每個地鐵站出入嘅人都當犯咁搜身、十幾個追打一個送水市民、到清場後嘅勝利式大合照,每一件事都證明緊黑警根本冇人刻當過市民先係佢地要保護嘅人。佢地恨不得對所有抗爭嘅香港人有槍開槍,冇槍就亂棍狂毆,總之可以令到市民身上留低傷害就係佢地嘅目標,仲要自己身上損小小都夠膽話係戰績,唔夠仆街都唔會做得出。

俗語有話「好仔唔當差」,特別係經歷過雨傘運動之後仲投考嘅人就已經同「好」依個字毫無關係。你唔好話咩想靠自身能力改變警隊風氣之類嘅廢話,你有咁嘅魄力點解唔企出嚟帶領民眾?你選擇加入一個淨係睇錢份上又會叫霸王雞玩人地老婆強姦報案人嘅職業就證明你都係依類人,你見咁多個企出嚟鎮壓嘅黑警有幾多個揮棒開槍有一絲不忍?冇架,佢唔即刻開槍只係為因未對準你個頭。唔好為自己諗藉口開脫,警察就係除咗好事咩都做盡嘅職業,叫你一聲仆街係冇錯架。

仲記得雨傘運動初期,都會有警察企出嚟話自己都係企市民依邊,亦明白大家會企出嚟為咩;今次呢?冇架,全部警察都係殺人機器,每條片每個鏡頭都見到黑警嗰副咀臉係仇視所有人,每一下都係對住要害嚟打,百幾二百發彈毫不手軟,事後仲可以話因為生命受到威脅先開槍?我屌你啦,你全身由頭笠到落腳,又長短槍又警棍又催淚彈都要驚,咁得件衫又冇訓練嘅香港人點會危險得過黑警?講個咁仆街嘅理由都可以面不改容,我用仆街形容你地好客氣啦。

當依幾萬個仆街真真正正咁仆一次街,先係香港真正重光之日。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195350
Date: 2019-06-14 01:46:38
Generated at: 2020-02-21 23:58:26
Permalink: https://www.vjmedia.com.hk/articles/2019/06/14/195350/我冇歧視,我只係好客觀咁講黑警係仆街。