【解讀權威】人民日報(aka 黨中央)超譯:炒就唔撚炒你架喇,你咪撚搞咁多嘢啦,屌你老母

 

人民日報一直係黨中央用來導向輿論嘅核心黨媒,想知道中央點諗就梗係睇人民日報,不過同一篇文,唔同人都有好多唔同嘅睇法,我就會咁睇。

今日全份人民日報海外版係12頁,人民日報講到琴日200萬人遊行反逃犯條例嘅文章,喺第5頁,佔該頁6分之1。要解讀必須由呢一樣開始讀起——中央唔係唔理香港嘢,只不過唔好將呢樣嘢凌駕一切,中央真係好多野要睇。

 

好喇咁中央點睇?各位讀者都係香港人,香港人普遍比較忙,所以太忙嘅話其實睇第一段就得:

 

中央政府頭兩個堅定支持,係嚴肅嘅,即係乜?即係重申,林鄭月娥係基本法行長長官產生辦法之下,得到選委會777票支持,然後經過中央任命嘅香港特別行政區首長,係關乎「國體」,中央係一定會支持林鄭,我認為呢個係要開宗明義反駁所有人,當然包括反對派要求林鄭下台,更加包括部份建制派公開咁「打著紅旗反紅旗」,喺度話佢做得唔好,爭相營造林鄭就死,就快有行政長官補選偽議題。

堅決反對亦都係嚴肅,對中央來講,香港二百萬人嘅遊行,佢哋呢啲覺得自己由長征開始打個江山返來嘅槍桿子政權,群眾係用來鼓動嘅,你話你自由意志,佢就話自由意志呢樣意識形態都係人地俾你嘅,所以anyway,外部勢力嘅延伸係包括勢力other than 支持一國兩制,以前會鬥爭地稱為人民公敵,總之你試圖動搖偉大嘅一國兩制統治香港嘅合法性,咁你就係外部勢力。

綜合兩個堅定支持一個堅定反對,中央一再提醒香港人,唔好諗住動搖一國和兩制,唔好諗住動搖基本法,呢啲絕對唔郁得,除非除非除非over 解放軍dead body 嗰隻。

至於之後幾句,你可以話係關乎呢次暫緩修例嘅戲肉:中央係支持林鄭暫緩,暫緩嘅意思係進一步聽取意見,聽取意見之後係乜嘢?係留白嘅,係開放嘅,即係睇你地香港人到時點,你地自己拆掂佢。留白完,就講香港最緊要係乜,係繁榮穩定,即係搵錢搵錢同埋搵錢,唔好嘈唔好嘈同埋唔好嘈。

 

至於之後幾段,唔係唔重要,但其實都係第一段嘅延伸

第二三段

 

講咁多,其實即係話,我知你777最鍾意做埋曬啲吃力不討好嘅嘢,你搞好多野都係好好架,想修訂逃犯條例都係啱架,係啱係啱係啱,好緊要,係啱。

 

不過咁,即係第四五段

 

「当前,谋发展、保稳定、促和谐是香港广大市民的共同愿望,也是香港特别行政区的主要任务。」

「“来而不可失者,时也;蹈而不可失者,机也。”」

你做啲嘢幾啱都好,時機錯呀,大佬呀,香港最緊要係乜嘢呀,係繁榮穩定呀,你唔好搞啲嘢出來,影響到中央權威呀,唔好搞到香港人掛住示威唔搵錢呀,香港最緊要係搵錢呀,搵錢呀搵錢呀搵錢呀搵錢呀搵錢呀…….

其他野你唔識搞就唔好撚搞啦。(差在無補多個dnlm 落去)。

 

一句:

中央:其他人唔好郁林鄭,林鄭唔該你專心搵錢專心維穩。

完。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 【塔羅個案】女人就黎三十歲仲係 A0 係咪就叫有問題? by 神婆
    好多客人同Annie一樣,廿歲尾三十頭咁樣,有份不過不失嘅工作,有幾個真心相交嘅姐妹,耐唔耐去下旅行,過住平凡踏實嘅生活。你問Annie開唔開心?又無話唔開心嘅,朋友我有呀,份工麻麻地、但又唔算好差,但係,隨住年紀漸長,身邊啲姐妹開始結婚啦…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
歡迎讚好我們的facebook page,免費資訊源源送上。

文章資訊

ID: 195556
Date: 2019-06-17 10:56:39
Generated at: 2019-07-21 05:46:13
Permalink: https://www.vjmedia.com.hk/articles/2019/06/17/195556/【解讀權威】人民日報(aka-黨中央)超譯:炒就唔