港人唔好咁快打完飛機

 

 

男人個個都識打飛機,唔係唔知呀,但唔係個個香港人都識打飛機,因為打飛機都要有技巧。

如果你想好舒服,好有成就感打,記住唔好咁快就打出來,一定要持續的技巧去打,否則一早就洩,就咩都輸。

昨日「200萬+1」呢條題無疑真係high到一個點,但這種自high不要過份,否則一個唔小心,你就洩左出來,咁就咩都無。

200萬人走出來,無疑係震奮人心,相信連民陣都估唔到個勢會係咁勁,但反之政府卻估計得到,唔係嘅話看看昨日警方的行為,完全係放任大家遊行,平時警方又限制呢樣,又限制果樣,昨日咩路都開埋比你,之前警方話插隊不對,但昨日插隊之普遍性肯定多個普世價值。

現在問題是如何轉化這200萬的民氣成為實力的政治力量。都係果句,現在勢雖然在民,但權力始終在政府,政府雖話暫緩,但並不等於撤回,這是兩碼子事,是需要搞清楚,甚至要清楚地解釋比你周圍一些所謂「見好就收,比人落下台階」心理的朋友去知道。撤回後再捲土從來,都唔同暫緩,至少在公義程序上,一定有極大的分別。

現在泛民手上的籌碼是人民氣勢,首先要提醒他們這氣勢不是要你用來造勢選舉,這些是後話,首先還是要用這氣勢來對政府加壓力,解決現在的問題。

市民亦不能有階段性勝利心態,因為林鄭又無下台、其他吶喊助威的官員如李家超、鄭若驊等仍然沒有說一句話,亦無下台,而且看看湯渣仲講埋悔氣話。現在目的是撤回,將修例堅實地撤回而不會突然又上路。還有義士的情況,也要取回公道。

林鄭說道歉,就要拿出道歉的誠意,不然行動會繼續升級。請民陣以及「非建制」人物唔該唔好再係度冷嘲熱諷,停一停,對準對家好過,而唔係又係度講埋「我都話架啦,乜乜又中」之類的馬後炮說話。係勁嘅就提出意見,即刻做,做唔到就背起這個責任,這才值得人尊重。

泛民今天記住唔好軟化,要持續地硬,正如打飛機一樣,一軟就好難返回來,原本一股作氣的就沒有了,但同時間硬時不要打出第一炮,要等到可以正式發射你才打出,才能夠打得勁,打得遠,打得漂亮。現在市民開始利用外國國會的壓力對港府做野,現在泛民亦係時候好好利用這些資源。不要被對手說「什麼外國勢力」就畏首畏尾。

此外亦要強調給予外國商會、廢老明白,暫緩不等於真正撤,所以經濟隱憂仍然存在,這種立體進攻,才能夠打到一場硬仗。

飛機係要打,但不是現在,因為倘未成功,港人請謹記。

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195571
Date: 2019-06-17 16:19:47
Generated at: 2020-02-21 09:26:10
Permalink: https://www.vjmedia.com.hk/articles/2019/06/17/195571/港人唔好咁快打完飛機