香港人,要自保,就要開始跟中共切割

 

 

由最初覺得香港已經冇咩希望可以擺脱中共管冶,經過兩次大型遊行示威後,原來只要香港人肯繼續團結起來,還是有希望的。

今次的得著是,香港人都上了寶貴的一課。

希望多些人明白手中立法會的票是何其重要,若不是有過半數的保皇黨在議會,控制了立法結果,就算林鄭幾打得,没有保皇黨的鐵票,條例跟本冇可能通過!

所以,今次立法演變成咁,要付出如斯龐大的社會成本,才能叫停議案,香港人自己也有一半責任。

為免重蹈覆辙,未來選舉必要提醒身邊的人今次的事件,認清楚誰是「中共代理人」!

其次,香港人亦要醒覺誰是真正的敵人,是傀儡特首? 是劊子手保皇黨?

不要再幻想「中國好,香港好」這咒語了。

面對住一個如此龐大的政權,香港人究竟要如何應付,係咪只有等死?

老實說,現階段,強如世界霸主美國也不跟它打實戰,所以年輕人,要學人家的策略,由經濟戰做起,令牠窮,就令牠失去力量 。

簡單啲講,就係斷絕一切能讓中共賺錢的東西!

泛民成日擺「和理非」甘地出黎, 我就同大家講佢最叻既不合作運動,而所謂不合作運動,基本上就係以「損人不利已」的手段去達到對方來跟你妥協 。

最基本從生活上,你有冇用華為,小米,DJI 、有冇用 WeChat,支付寶,淘宝,順風、有冇用中資銀行, 有冇買中資股,買騰信,買大陸樓,有冇返大陸玩,甚至中資商户,一切一切!都要放棄!

二百萬人,單單減少左呢部份人的經濟活動,個力量點睇,都易過去打解放軍。强國一直都拜奉「有錢使得鬼推磨」,只要佢地少左錢,就少左力量架勒!

跟著要拒絕意識形態戰 ,要學老美,認清所有中共所有媒體,辨學團體,贊助,甚至留學生 (他們都是間諜)!

拒絕所有渗有中共意識形態的東西,資訊,就要由拒絕CCTVB開始!甚至染紅既報章,網媒,如 01、港地,Apps,紅資團體,大陸的遊學團,工聯會,教聯, 民建聯的活動就加不用說了。

再積極是,可以反喧傳,見到强國人要喧揚自由民主,大派傳單,高舉 「讓人民當家作主」,時刻提醒佢地,中央一直欠下的承諾。

難嗎? 難!人家統戰做了整整數十年了,香港人自已過去二十年做了什麼?!還剩下不到三十年,香港在 2047 後,能否依然是現在的香港,要看大家能為這付出多少了。

由你和呼籲你家人開始,切割中共一切的利益,緊記不要 「口裡說不,身體卻很誠實 」。否則,連自己都說服不了,怎叫敵人來跟你妥協!

香港人,加油!

 

作者:水巷手蜀

唔好問我點解係手蜀,唔係犬蜀 。唔比人講,就越要講 。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195651
Date: 2019-06-19 05:22:34
Generated at: 2019-10-19 04:15:29
Permalink: https://www.vjmedia.com.hk/articles/2019/06/19/195651/香港人,要自保,就要開始跟中共切割