一個企得好前嘅大學師妹問我：「點解香港抗爭咁難？」

一個企得好前嘅大學師妹問我：「點解香港抗爭咁難？」

我答，「因為大家都唔係想贏，係為咗光環同利益」

100萬人出嚟，200萬人出嚟，食百幾粒催淚彈，依家連人都死埋，你哋泛民大台給出嘅結論都係，「記得出嚟投票」五年前，大家士氣好高漲個陣講出嚟好好聽嘅說話，呢期又不停翻炒，投票呀！覺醒呀！出嚟呀！抗爭呀！

好想問個啲依家已經呼籲人11月24要留喺香港投區議會，甚或者開口埋口「血債票償」嘅人，你哋呢5年生活喺咩地方？平行時空嗎？你哋真係唔知呢5年香港式選舉進化到咩地步？有幾多人因為選舉同埋立法會嘅事而搞到雞毛鴨血，又或者被終身剝脫政治權利咁滯，你哋係扮睇唔到定係真係唔知呀？

今次抗爭產生嘅力量，甚或者墮樓義士條命，一瞬間又變哂泛民政工作者嘅選舉籌碼。2百萬+1，嘩屌夠哂感人！搞咗咁多嘢，你哋個心又係諗緊選舉，成個輿論操作之嘔心，加上民陣同諗住呢兩日內將行動升級嘅抗爭者嘅切割。再同你講去7.1遊行呀記住，如果有300萬人出嚟好威威，全世界都為我哋鼓掌架好嘢。你哋係咪痴撚線架？

身邊唔少朋友因為成個身瞓哂落去，依家成日都放鬆唔到瞓唔著，又或者無胃口食飯。5年過去，我慶幸自己可以企得好遠，如果唔係見到呢班人依家已經急不及待收割成果嘅嘴臉，我應該又會返到每日都好悲憤個個狀態…..

作者：阿享

一個戒緊牛肉，但打邊爐仍然會忍唔住既耶青。

閱讀後覺得好，請多多讚好及分享～：）