憲制與執法上,有邊三個人可以決定令五名暴動被告無事?

 

 

而家次次問親啲官員,佢哋都交波俾第二個,其實唔同官員有唔同職能,呢個當然係啱,但係個個講到唔關佢事咁,我希望各位千期唔好信。

612警民衝突仲有5個人被警察落案吿暴動,仲有唔知幾多人吿緊其他罪名。

香港呢一刻,有三名官員係可以立即宣佈呢啲人無事。

 

1)警務處處長

香港執法程序,警察負責拉人,負責搜證,夠證據,先有得交俾律政司。

所以,琴日好多人圍警察總部,要求放左嗰五個暴動被告,係好正確。

「放」當然唔係只係講而家「保釋外出」,而係由警務處處長下令,唔再為612警民衝突立案拉人同埋調查,已搜集嘅證據將不會交予律政司。

咁所有人都可以即刻無事。

現時嘅警務處處長為盧偉聰。

 

2)律政司司長(及刑事檢控專員)

律政司刑事檢控專員負責決定是否在法庭控告人,近年最著名有曬證據都唔吿嘅係「胡仙案」,當時律政司司長梁愛詩以公眾利益為理由選擇性不控告胡仙,所謂嘅公眾利益,係吿左佢會令2000人失業……嗯…

廉政公署拘捕星島集團3名現任或前任行政人員,指控他們誇大《英文虎報》和《星期日英文虎報》的發行量,串謀詐騙廣告客戶。星島集團主席兼大股東胡仙女士被當局認定是串謀者。然而到起訴時,律政司司長梁愛詩以證據不足和公眾利益為理由,決定不檢控胡仙。其餘三人最後被判處入獄四至六個月。

律政司司長梁愛詩被指偏袒胡仙,因為其餘被告的起訴書中,起訴的罪行中有「與胡仙合謀」等字眼。當局考慮的「公眾利益」包括一旦胡仙被起訴,星島集團的2000名員工可能會失業。

所以就算警察繼續做嘢,只要律政司司長宣佈,612警民衝突中所有人士均會「不提證供起訴」,咁所有人都唔會需要面對非常虐待人嘅司法程序。

現時律政司司長為鄭若驊。

 

3)行政長官

根據基本法第48條「香港特別行政區行政長官行使下列職權」,第12項「赦免或減輕刑事罪犯的刑罰」。

當然,要行使特赦權,首先啲被告要被定罪,無罪咁赦乜嘢,所以呢個係最差嘅做法,因為啲被告已經經歷曬好虐待人嘅司法程序。

現時行政長官為林鄭月娥。

 

官員交波卸膊就梗架喇,大家唔可以俾佢亂UP 就咁收貨。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 開心浩園餐 by BEAR 兒
    老軍裝帶責備地拍拍警犬的頭,把紙袋拿起來說:「對不起,這個餐算是我跟你買吧,不過要麻煩你再走一次了。」…
歡迎讚好我們的facebook page,免費資訊源源送上。

文章資訊

ID: 195743
Date: 2019-06-22 00:07:16
Generated at: 2019-07-20 00:28:19
Permalink: https://www.vjmedia.com.hk/articles/2019/06/22/195743/憲制與執法上,有邊三個人可以決定令五名暴動被