白宮網站驚現解放香港聯署?專家:不要挑戰中央紅線

是日(21日),大專生號召行動升級,包圍警總同各大政府部門,完全無視特區政府和中央紅線,但政府至今頓過碌木,任由暴徒為所欲為,令五百萬支持逃犯條例立法嘅愛國香港市民,不禁懷疑特區政府係咪已經向暴力妥協;不過中央專案組收到可靠消息,今日特區政府三司十三局全員都被徵召到中央心戰室,先至無瑕理會警總外暴力衝擊活動。原因係近日白宮網站出現嘅一個聯署


 

全文如下:

President Trump: Please liberate Hong Kong from Communist China’s occupation

We need President Trump to save us. Only President Trump can save us. Hong Kong is dying. Hong Kong is suffering from Communist occupation. The communists want to grab Hong Kong people and move us back to China and throw us into prisons and torture us. Please bring this message to President Trump. People of Hong Kong will be grateful to you.

 


 

聯署發起人署名Y.Y.,於6月18日發起,全文50個英文字,卻已比中華五千年出現過嘅漢奸走狗加埋更加大逆不道。本報將有關連結發咗比大灣區法律專家,獲回覆聯署經已觸犯《中華人民共和國國家安全法》和《基本法》,一旦「逃犯引渡條例」通過後,有關人等最高可被判活摘器官;並且提到維護國家主權、統一和領土完整,是包括香港、澳門和台灣在內的共同義務,同時,香港在祖國關照之下經濟發展急速向上,一旦卷入顏色革命鬥爭,損失恐怕數以千億美元計。呼籲中國香港同胞必須尊重中央政府保障香港社會和諧穩定的「紅線」;如不幸發現家人有參與其中,應盡早舉報,以免遭受牽連。

有市民表示聯署係完全不負責任,「一旦激嬲共產黨,你地孭唔孭得起?比籍口解放軍鎮壓點算?有冇諗過後果?」,亦有市民表示對有一小攝人收美國錢發動「顏色革命」感到不滿,為中國香港前途擔憂,已準備全家移民大灣區,「支持香港警察射殺聯署份子」。

根據白宮網站聯署規則,一旦聯署人數在限定時間內超過10萬人,白宮就會審閱有關個案。至截稿為止,經已有接近7萬人參與聯署。

 

點樣聯署?

為咗更深入揭露今次亂港暴徒係點樣破壞香港安定繁榮,我地特登示範一次聯署流程。

1. 登入President Trump: Please liberate Hong Kong from Communist China’s occupation 聯署頁面

2. 右下角位置輸入姓、名同電郵地址,Sign Now

3. 跟住會收倒一封來自白宮嘅確認電郵,按一下”Confim your signature by clicking here.”,就成為出賣中國在香港神聖不可分割主權嘅千古罪人之一了。

 

小編再次重申,本報絕不鼓勵任何違法行為,以上資料僅作參考,請緊記:犯我中華者,雖遠必誅!網絡世界並不是容許非法叛國活動嘅地方,各位必須為自己行為付責。
 


 

作者:中央專案組

中央專案組
輔仁李八方,每日遊走於中西環和博愛特區之間,盡收政壇耳語。不要問中央專案組是誰,知道得太多會捉你去坐洗頭艇活摘器官。報料熱線(24小時專人接聽): [email protected]

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 開心浩園餐 by BEAR 兒
    老軍裝帶責備地拍拍警犬的頭,把紙袋拿起來說:「對不起,這個餐算是我跟你買吧,不過要麻煩你再走一次了。」…
歡迎讚好我們的facebook page,免費資訊源源送上。

文章資訊

ID: 195744
Date: 2019-06-22 00:06:06
Generated at: 2019-07-20 07:54:05
Permalink: https://www.vjmedia.com.hk/articles/2019/06/22/195744/白宮網站驚現解放香港聯署