他們不是裝睡,他們只是不想加入你們而已

 

我很喜歡那些覺得看了自己面書就等如全世界跟自己同一樣想法的人。

 

 

這個世界,有很多面向。

我的節目,叫《903國民教育》。

 

 

有一個我自己覺得十分重要的環節,叫 #無人駕駛(當然還有必聽的 #光頭頂 啦!)。因為,他們願意告訴我,他們不敢告訴別人的事。

這幾個星期,大家都累了,你看看,外面的世界,你的面書看不到的世界,在想什麼?

 

~~~~~~~~~~~~~~~~~~

 

(1)

2019/6/14 凌晨03:00

我媽媽真的是一個很聰明的婦人。

晚上她以一點宵夜作引導,讓我把自己在周三做過的事全盤托出。

她說,她明白《逃犯條例》通過後,將會是個恐怖的社會,所以她支持大家出來遊行、抗議,但不支持我走上街頭,作不合法的抗爭。

我告訴她,和平理性非暴力的行動已經失效,但她不明白。那也不要緊,這是我意料之中的。

 

 

但她問我,是否預備好承擔抗爭後的秋後算帳,我亦自然應她是。

意料之外的,是她以放棄的語氣,跟我說「咁你去啦,你被人拉咗,我唔會理你。」

想當然耳,那並非真心說話。我們後來的對話中,甚至兩人均聲淚俱下地向對方告白內心的感情。

但她成功令我內疚。甚至當我們的討論愈加激烈,她講過「咁你由得我同爸爸望住你出事、我哋兩個生不如死啦。」

我跟她講,「如果我今日出去,會令你傷心,咁我係有錯嘅;但如果我今日唔出去,我係唔為自己嘅未來負責,咁都係有錯嘅」。

她只扔下一句,「我唔知呀,你自己揀啦」。

那刻我已經開始動搖。想胡亂用一句「我唔會出去」來搪塞過去。

只是最後仍是心有不甘。我問:「如果今日我留係屋企,他日《逃犯條例》通過咗,我因為喺微博講咗啲唔應該講嘅嘢(對不起我是一個會玩微博的港豬),而被人拉,你會唔會後悔?」

一輪爭吵之後,她給我的回應是「點解要咁樣逼我」。

那又為何要強逼我在自己的未來和你的安寧中做選擇?如果這不是你想面對的道德困局、為何又要我面對?

為何母女之間要做如此兩難的決擇?

若是她決意禁止我走上街頭,我也許更好受。

之所以說我媽媽是一個聰明的婦人,因為我最終答應她,金鐘照去、但不做違法的事。

到我離席之前,她仍是回到那些叫我去進修、努力工作、為自己未來打算的話題。

但我還能有未來嗎?

 

 

~~~~~~~~~~~~~~~~~~

(2)

 

昨日返到公司,成個金鐘都仲有僱淚彈味。

之後有個同事就話啦: 睇到新聞,真係激氣。成一百萬人遊行佢地都唔理。

我就好冷靜咁答左句:哦。

之後佢就好似有d 嬲咁,之後個同事就話:你典型政治冷感。

一聽到呢句,我就有d 火。我關心政治,同我想係職場同你分享我既政治立場係唔同既。我同你唔係同一個感覺,同一個立場,同一個情緒,我就係「冷感」?

好啦,之後我就問佢啦:咁你星期日有冇去遊行、你琴日有去金鐘?

果個同事就答:梗係冇。

哈哈哈哈,成日話香港人好靚,靚?靚咩?典型香港人,好關心、好憤怒,不過,只係係口講。講完有型丫嘛,畀人知道「我關心政治我唔係港豬丫嘛」。關心,只係係口中、只係係社交平台,要他們出來,傻啦?打人地D仔、射人地老公,最好幫我爭取埋,就最好。

老老實實,我既政治立場,關你屁事?

 

~~~~~~~~~~~~~~~~~~

 

一宗港人在台灣的謀殺案,令香港政府 …

– KEVIN CHENG PHOTOGRAPHY- 發佈於 2019年6月19日星期三

 

(3)

我到今日都唔明,點解仲有人可以分享「警察都係好人」既文。警察係好人,代唔代表佢地開槍a啱呀?係咪你日日都做好人,扶阿婆過馬路,年年考第一,仲有畀晒份糧老豆老母做家用,殺人就冇罪,就冇錯呀?唔係丫嗎?唔係咪得囉。

呢d ,就係奇怪。仇人也是鄰舍,成日拎出黎講,唔講鄰舍黎既時候有冇正當性,點解會引發仇恨,就係度話對果d 人有仇既人係拉動仇恨。你話你身邊咁多無腦既人,你可以做到咩?

 

~~~~~~~~~~~~~~~~~~

 

(4)

警察點解瞄頭射?

 

你呢幾年,有幾個警察朋友,你就知道,從2014年起,佢地從來都冇反省過。佢地果句「你地冇做錯到」,係佢地個心度,係好有效既。你要明白,佢地諗野好簡單,大部份都冇讀過大學,佢地想tum 你笑,就會不斷重覆d 係網上面畀人重覆左九萬幾次既金句,好似「超低能,勁搞笑」,仲有「搵食jei、犯法呀」。過去一年,我聽得佢地講最多既,係……「係窮呀~~嘟xxx」。

佢地一直都覺得自己「我都係做野咋」,佢地會覺得「你又有老母生,我又有老母生,點解我食飯要問過你呀?」仲有呀,佢地有唔少人,心目中真係覺得曾健超係衰人,係先撩者賤,佢地只係做野,朱經緯係好人,鬼叫你無啦啦出旺角?好人好者出咩旺角呀?

呢d ,都係佢諗既野。

點解我知?我老公,係警察。

佢知道我睇你面書,我就話,我剩係睇你d 飲食資訊,到我同佢去日本帶左佢去你介紹既地方,佢話樣樣都好味,佢先冇野講。

我點樣忍?我唔係忍架,我真係愛佢。我只係知道,我同佢結婚,生左兩個仔,我都係中意佢,佢亦都好為屋企。只係,佢真係真心覺得「唔抵」、「唔知點解要受氣」。呢d心結,我估呢世,佢都唔會明,唔會解到。

呢d 野,我亦都只敢同你講。多謝你。

 

~~~~~~~~~~~~~~~~~~

 

(5)

我係一個美國護照既人。我要交美國稅架,仲有,好多保險我都唔買得既。但總之,我就係美國人。而我上次投票,我係投侵既。好多人以為我痴線。而家個個都走黎多謝我,話多謝侵侵。唔係侵侵,唔會有今日。

我答佢地:你地剩係中意左膠,覺得奧巴馬好好睇,好識氹人就走去支持佢。而家你睇到,邊個真係可以改變世界啦?

 

~~~~~~~~~~~~~~~~~

 

我們身處的環境很特別。

如果我們不是香港人,我們會不會覺得,其實世界本來都不壞?最近我跟一些中國朋友聊天,他們都說,八十年代的事,他們都記得,他們都不會忘記。只是,記得有什麼用?

 

他們的生活變得舒服了。

住處很ok,生活也很方便。他們說,在深夜十二時只要你肚痛,都會有人送藥上來給你。這種服務,香港有嗎?他們說,你覺得學校的餐廳難吃麼?隨時可以有餓了麼美團什麼的,都送到你門外。晚上看看電視,以前在台灣、香港唱歌的歌手都來中國了,他們都看得很愜意。出國也比以前方便,簡單,容易了。你看幾多中國的同志們在泰國潑水節玩得多麼的快慰?

中國越來越多人的生活是改變了。他們可以覺得沒什麼不妥。因為,只要不要搞到自己,很多事情都好像沒什麼不妥。

這真的是沒什麼不妥的世界嗎?

常聽人說「裝睡的人叫不醒」,但他們卻忘了,這些常說自己醒了的人,會忽然失去了某種同理心:你們覺得自己醒了,就知道自己在現實世界嗎?會不會你的醒,也只是在夢中的一部份?抑或是,其實我們都忘了小時候,我們有一個狀態,叫「賴床」,即是我醒來了,想知道之後要去那兒,但後來我發現,我什麼地方都走不了。然後,你聽到房外,你父母在吵架,你就只好一直在床上,動也不動,直至你知道自己要去那兒為止?

不要說人「裝睡」,他們不是裝睡,他們只是一群醒來的人,沒有想加入你們而已。

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 195793
Date: 2019-06-23 17:10:31
Generated at: 2019-10-19 04:09:54
Permalink: https://www.vjmedia.com.hk/articles/2019/06/23/195793/他們不是裝睡,他們只是不想加入你們而已