唔好以為接放工就好穩陣安全

 

 

上個星期玩完接放工,成本低效率高,加上燒山加持就當然覆啅啦!但唔好以為接放工就好穩陣安全。一來聽日係正常工作日,無團體吹雞搞罷工,人數唔知會有幾多;Monday need work咁參與得嘅好可能大部份都係大學生或者考完DSE/大考嘅中學生。人數未必多,加上參加者年齡比較年輕,係第一個令我擔心嘅重點。

其實如果好似上個星期五咁順利嘅話都還好,但上次可以話係攻其不備,但黎緊再用同樣嘅手法,政府就未必會咁順攤,唔知大樓會唔會有保安或者警察嘅佈防,雖然我覺得警察以免激起民憤同埋再成為眾矢之的呢期都唔會再敢暴力清場,但如果佢哋有派人去防守,都會有機會起衝突。

即使冇保安或者警方阻撓,都有機會政府見到你哋上一次其實大致都係和平靜坐,冇影響到大樓上工作人員嘅安全,可能今次就大安旨意唔會叫啲人疏散,等大樓內嘅人繼續辦工。咁示威群眾就要將行動升級,以達至影響到大樓內嘅正常運作嘅目的為止。咁一到呢啲需要決定如何升級嘅時候,就總係有阻撓升級嘅能手:泛民議員出場啦!佢哋一定都係會講啲廢話,例如叫你包圍警總但係要俾警車同警員出入之類啦!咁如果示威者大部分都係後生仔/學生仔,可能就算有不滿,都唔敢屌9班泛民,結果又俾班泛民「主持大局」。

以上種種都只係唔同嘅可能性,當然依家啲後生仔同學生仔都好有主見有獨立思考嘅能力,可能一切都會非常順利進行!咁我假設咁撚多野做咩呢?其實主要都係想出到去嘅大人盡量出去,睇住班細路,唔好俾佢哋出事,同埋唔好俾班泛民阻礙大局,就係咁!

 

 

作者:何夢

何夢
大學畢業後無業幾年,自稱專業廢青。而家塭到正職,決定疊埋心水全力邁向廢中之路。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 196164
Date: 2019-06-23 23:32:28
Generated at: 2020-04-05 05:22:48
Permalink: https://www.vjmedia.com.hk/articles/2019/06/23/196164/唔好以為接放工就好穩陣安全