侵侵對伊朗制裁新措施的啟示

 

 

老實講,美國近年的總統,真係好少好似侵侵咁樣,一次過開咁多戰線對手,你話佢霸道又好,佢係喪又好,但佢的確讓不少對手頭都大,呢樣係真,仲有一樣係,其實對比起近兩屆的總統,其實佢唔係真正好戰,佢無乜點出兵,呢樣要留意。

佢對幾個國家頗有敵意,呢樣係真,當中包括中國、伊朗,其次先到北韓。只係北韓雷聲夠大,成日上報咁解,但真係對付,美國明顯主要係伊朗和中國,因為這兩國在地緣上和經濟上以及政治上,都是較為重要。

呢輪中美貿易戰講得太多,雖然搞到中國頭都大時,伊朗其實一樣頭痕,佢嘅制裁其實更甚,所以伊朗這一年的經濟實在倒退嚴重,能源難以出口,同佢做生意有又限制,伊朗原本希望重振雄風,再成中東霸主,但現在又要再次陷入衰退。美國近期另一個舉動,就是凍結伊朗最高領袖哈梅內伊(Ali Khamenei)辦公室和幾位伊朗軍事指揮官的資產。新舉措還包括了針對伊朗外長扎裡夫(Javad Zarif)的計劃。

對於整個伊朗局勢,這些舉動是屬於姿態多於實際,但是對於「個人」來說,其實是頗大問題,因為不知道這伊朗領袖的資產使用方法如何,而且因為這一個制裁,隨時抽出了他們的秘密資產行徑,這一來便對於國家領導人有否私吞國有資產或者行賄之類,便有深遠影響。

看到這裡,關唔關香港事?伊朗領袖資產,當然不關香港事,但是美國這個舉動,意味著美國是有這手牌出擊去對付自己的對手,不論是任何國家,那麼我們祖國、香港政府,又會否會有這個難題會面對?

現階段當然不會,因為這些牌是不會這麼早就出,因為美國牌可以出,仍然頗多,單是加稅這項措施,都可以有排玩,還有技術出口等等,此外國家安全之類的出入境亦可。不過凍結資產呢樣,其實是可以好快就出台,只要侵侵講句就得。

如果真係出呢張牌,中共高官的龐大資產便會正式曝光,這枚核彈無疑是非常擊中要害,當中不只是會影響他們的自身利益,而是影響到整個中共政權的穩定性。試問中共高官資產正式曝光後,國民的心理會怎樣想呢? 中央電視台到時真係日日歌頌高官好還是為老百姓平反好呢?

喂喂,仲有香港那些高官甚至相關的人物,香港人對錢大過天的時候,高官們你話唔面青都唔得啦。

所以美國這次對伊朗的一個舉動,可謂一石二鳥,既可以擊中伊朗,還可以順道同中國講聲「睇路呀。」

鬼叫你中共高官一眾,口裡說不,身體卻很誠實咩,如果你唔去美國買資產,人家又怎會有機會過你一棟呀,這是對自己國家沒有信心,才把資產轉移到海外。正如大把人口口聲聲愛國,但原來持外國護照一樣,這麼虛偽。

 

伸延閱讀

特朗普對伊朗實施新制裁

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 196262
Date: 2019-06-26 03:51:11
Generated at: 2020-09-23 01:03:05
Permalink: https://www.vjmedia.com.hk/articles/2019/06/26/196262/侵侵對伊朗制裁新措施的啟示