其他人死好喇,果個唔好要係我個仔。我個仔要平安返黎。

 

 

我覺得現實既問題係,所有既抗爭甚至戰爭,付上既代價都可以好巨大。所以果啲咩一群愛香港既媽咪所出現既文宣,叫D仔女停手返屋企,你雖然話好濕鳩,但站係父母既立場,係好難話唔打中佢地心坎。

正如打第一第二次世界大戰,自己既親生骨肉上戰場,邊個父母會唔驚自己從此同個仔陰陽相隔。所以大部份(除左某D痴左線既國家)都會同佢地個仔講,有咩事,唔好理,走先呀,保命要緊呀。如果投降真係唔駛死,即刻投降啦。大家既父母去到呢一點,應該都唔會有異議地會咁諗:

其他人死好喇,果個唔好要係我個仔。我個仔要平安返黎。

你唔好諗住同佢地講咩大是大非,話依家既情況有幾危急存亡之秋,因為係無用既。雖然我地都當大部份文宣都只不過係動搖軍心既策略,背後係咪真係老母寫既我地都好懷疑,但係無可否認,就算有一個咁樣既CASE,是真是假,都會引起佢地既共鳴。佢地既講法就係就算世界末日,希特拉毛澤東史太林一齊返生,只要自己個仔無穿無爛,佢地都唔想去理。

遇到咁樣既情況,我諗,我地其實都只能夠沉默。因為孝義既野,真係古今難全。人唔作出犧牲就唔會得到收獲。岩既。但人有時作出左犧牲,都唔一定會有收獲。賠上左可能係一生前途,甚至係性命的話,到最後件事係成係敗,你既一小部份當然可能有影響,但係都唔會真係量化到,好聽就叫無名英雄,唔好聽就真係亂葬崗下無人知。

雖然大家應該已經好清楚愛就係選擇,犧牲就係意義。但係係呢度我都要再三提醒一次,準備做任何野之前,你要理解到自己既犧牲究竟可以去到幾大。唔係單係以生命做單位,而係人既關係,過去同將來同唔同人既羈絆,都要一一諗清楚。犧牲往往都係非常偉大既行為,但係就唔一定會被其他人、親人、甚至愛你既每一個人所願意接受。

慷慨就義、捨身取義,從來都係唔去到呢一步都唔想去執行既野黎。如果真係要有咁多人到做愚者,諗得透徹都昂然作出一個咁既選擇,我地真係要不斷反問,社會究竟去到一個咩恐怖既處境,先可以造就到咁多人選擇走上一條可能返唔到轉頭既不歸路。諗唔單止係我地呢一代,上一代既人更應該好好諗一諗。

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 196321
Date: 2019-06-28 23:53:10
Generated at: 2021-06-13 14:05:53
Permalink: https://www.vjmedia.com.hk/articles/2019/06/28/196321/其他人死好喇,果個唔好要係我個仔。我個仔要平