香港眾志你要好似超音鼠咁衝住啲光環叮叮叮唔緊要呀,但可否毋忘撤銷檢控義士呢?

 

 

香港眾志係政黨,政黨做嘢唔為選票就不如返屋企打機,所以學超音鼠搶光環係應該做,最緊要係咩,係真係靠做實事咁搶光環,就好似以前叫鄺仔而家叫鄺神嘅鄺俊宇,你話2020佢點可能輸?講遠左。

今次針對中國參與G20 呢個敏感時刻,反送中運動搞眾籌,幾日之內籌到五百幾萬,將個廣告登左去全球咁多份有份量大報,的確係好厲害。據悉,香港眾志請纓負責日本嘅部份。

但好似就出曬事。

 

相比於咁多份廣告,眾志負責嘅日本版本,排版美工截然不同,靚唔靚就見仁見智,我無咩審美品味,唔打算品評。

我比較關心嘅係訴求。

睇開我嘅人都知,我最關心嘅只係有無人犧牲,包括犧牲條命,同埋被捕之後犧牲左自由同前途。

就咁睇紐約時報嗰份,係咁嘅:

 

訴求好清晰,1 2 3,第二點就係我最注重嘅不檢控義士。

版面有限右下角有QR code,緊貼潮流亦有實際需要。

 

咁眾志版呢?

 

我不禁要問自己:

我睇左乜撚野

你為乜而戰仲要人地自己去搵牙?

都俾你落報紙,你自己講啦,正契弟。

我當而家個讀者真係好想支持你喇,咁你想點呀?

大個喇,好唔好呀?選又選過,輸又輸過,DQ 又DQ 過,仲成個港女咁,要人地估你想點牙?

人地紐約版,三個訴求,你眾志版除左勉強有句乜撚野「中國移送反對」之外,不檢控義士呢?獨立調查黑警呢?

同埋呢,啲錢係其他人捐俾你地去做嘢,唔係你自己覺得鍾意刪乜都得架好唔好呀?

 

有份搞嘅人梗係嬲到仆街

 

其實呢,一個政黨,一班政治人物,要出來行走江湖,要問鼎議席,去到最尾就係要有議員薪津,要養人,所以要喺大議題你要抽水,你要衝光環,全世界都理解架,做好件事佢就得架喇,點解唔可以正正經經只係跟返人地個文本,你咪譯日文囉,大家都唔會執你grammar 架啦,求撚其都好啦。

好喇你要出位,要人地認得係你香港眾志signature 喇,ok fine,你做啦,你去借位抽水啦,抽飽佢啦。

最大問題係,點解你可以唔寫清楚訴求?你用大家啲錢登廣告為乜撚野呀,為左外國人理解完個訴求,去同習近平對質丫嘛。

咁你個訴求呢?

無左。

係無左。

係無撚左。

咁你林朗彥不如算吧啦。

 

所以各位示威素人,真係唔好死,唔好被人拉,啲政黨真係會唔記得你地架。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 196324
Date: 2019-06-29 04:48:51
Generated at: 2020-09-25 15:43:18
Permalink: https://www.vjmedia.com.hk/articles/2019/06/29/196324/香港眾志你要好似超音鼠咁衝住啲光環叮叮叮唔緊