我地必須鬥長命才會贏

我們都要記住:-他和她都不是自殺,而是被政權迫到這一步的。把這憤怒轉化成追求進步的動力。-他們的犧牲是為了我們的未來。緊記他們的奉獻,活好自己的生命。-我們不能再失去多一個戰友。提高敏感度,多留意戰友情緒,必要時尋求協助。很抱歉,未能與大家同在

黃台仰發佈於 2019年6月29日星期六

 

又有一條人命因為反送中而犧牲。

林鄭月娥,我知道你都係不聞不問,鐵石心腸,喪心病狂。依家呢一刻,應該仲想慶祝七一回歸,寫緊咩演講詞大吹廢水粉飾太平。雖然你口口聲聲話自己都係孩子既母親,自己都有會心痛之類。你有無想像,有人接二連三為左你而自盡?

你算係咩野東西,做咩要香港大好青年為你一個個送死?你點解要令到我地都愛護既香港,染上一片鮮紅色?呢個就係你當初參選話愛香港,愛年青人,想同佢地同行既創下既所謂豐功偉績?

依家所有野指向既真相已經好清楚,係你同你既團隊自推惡法,諗住送俾中央一份大禮物,慶祝國慶七十週年,點知擦鞋擦錯位,爆發香港有史以來人數最多既遊行。你扮晒謙讓話暫緩,話道歉,但大家都知剛愎自用既你唔會甘心,我有咩錯。你一定會怨天怨地話自己唔好彩,有人玩針對,玩煽動,外國勢力一齊蝦你!

好啦。依家要搞出人命先安樂。有堆媽媽講得岩,本是同根生,相煎何太急。你如果仲有考第一既一絲智力健在,仲想香港人認你係一份子,仲想係史冊留低你尚有一點良知既註腳,你應該即時下台。但我知道,死多幾條命,你一樣會死撐,甚至唔會俾中南海知道有人死諫。依家既現況係點,一直無人明確指出:

政府話暫緩,其實係赤裸裸呃緊香港人。黃宏發指出左,連李慧琼都俾毛姨姨迫住要講,二讀辯論可以下年就再黎過。根本就唔係讓步!警察暴行,周街打人打記者,唔出委任證,使用武力究竟數字幾多,無人知,無人查,無人追究,獨立委員會唔成立,咩都無做。更加唔好講釋放示威者。尋晚,又一塊地因為立法會完全無用,割左比大陸。我地咩都做唔到。

根本就無任何野得到左。更加唔好講咩階段勝利。仲見好就收?好刺耳。見好就收會有人仲走去死咩?

依家呢一刻,你地仲係恬不知恥,甚至為左阻隔人民既聲音,用上過半萬警力,圍封整個灣仔海邊,要確保升旗同埋慶祝活動能夠如常進行,縱使水馬同圍板已經圍到天一樣高。我諗俾豹子膽你地,都唔敢為左追悼死者而取消七一所有活動。因為你地都唔係香港人既政府,你地只係一班向政權搖尾乞憐既人渣,仲要係渣中之渣。

我會繼續大聲疾呼,叫所有朋友留番有用之軀。不要讓血債再繼續高築落去。人死左,咩。償。都。無。用。唔好再為呢個麻木不仁既殺人政權嘗試討價還價。無用的。真係完全無用。

重申四大訴求:
(1)所有問責官員下台,向香港人謝罪
(2)撤回送中惡法
(3)必須追究警隊暴行
(4)釋放無辜示威者,撤消一切無理指控。

大家可以悲憤,可以流淚。但唔好俾情感沖昏頭腦。我地仲有好長既路要行。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 196354
Date: 2019-06-29 21:12:48
Generated at: 2021-06-13 14:12:08
Permalink: https://www.vjmedia.com.hk/articles/2019/06/29/196354/我地必須鬥長命才會贏