林鄭星夜都要分化,一句到尾泛民企邊面?

 

 

其實呢個問題,唔係今日先需要飯民回答同埋處理。

琴日毛孟靜想勸退衝擊立法會嘅蒙面人,假惺惺咁叫人地諗下老母,正宗9唔搭8,anyway,義士講得好清楚,「係你(毛孟靜)嘅隊友,出賣我地,梁耀忠佢唔做立法會主席,點解佢唔做?」

香港仲有名義上嘅三權分立,政府暴政,理論上都仲叫做有個立法會監察,問題係立法會反對派長年唔過半數,都算,僅餘嘅都係9做。連埋政府同埋立法會,成個制度,對衝擊嘅人來講,都係垃圾,都係失效,就係咁,佢地先會衝擊。

衝擊立法會,就係衝擊個政治制度。

 

【行政長官林鄭月娥及其他政府高層見記者】現場直播

【行政長官林鄭月娥及其他政府高層見記者】現場直播#香港電台 #港台電視31 #港台電視32 #十點半新聞天地 #林鄭月娥 #張建宗 #李家超 #盧偉聰

香港電台視像新聞 RTHK VNEWS 發佈於 2019年7月1日星期一

 

林鄭幫泛民畫埋條線,上午嘅七一遊行,係和平理性,體現香港自由多元包容,下午嘅就係令人痛心震驚嘅暴力場面。

保安局局長李家超畫條線都好清楚,公眾活動中有啲人係有暴力傾向,「大家要好小心」云云。

總括警務處處長盧偉聰講嘅,就係暴力暴力同埋暴力。

林鄭同佢嘅團隊嘅回應,帶出嘅訊息好清楚,制度係最緊要,不容動搖,呢個我諗亦同中共條線一致,你點搞都得,搞到中共嘅民主集中制就一定唔得。

 

當記者帶著哭腔咁質問林鄭「你係咪睇唔到有人死呀?」,其實呢個質問,同時係適用於整個制度入面嘅「大人」,包括有立法會議席嘅泛民主派政客,唔係你地監察不力,拉票不力,議席點會唔過半?輸就懶制度,你教協唔係功能組別咩?

就算喺議會入面嘅,一樣係面目模糊(黃毓民,2008),遠嘅唔講,呢個立法會年度,由2016年10月12日,梁耀忠唔做主席,帶來DQ 梁游,再帶來DQ 4,再帶來補選大敗,呢啲一切一切唔係令林鄭更加明目張膽立惡法咩?

唔係612衝擊,林鄭會收手?唔係有人跳樓,616會兩百萬遊行?

飯民究竟當「衝擊」係咩一回事?係有利你遊行多啲人參加,就係兄弟爬山?咁而家林鄭幫你畫埋線,你想企邊面?定其實黃碧雲幫大家講曬?

 

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 196427
Date: 2019-07-02 05:13:31
Generated at: 2020-02-25 08:51:28
Permalink: https://www.vjmedia.com.hk/articles/2019/07/02/196427/林鄭星夜都要分化,一句到尾泛民企邊面?