【昨晚香港各大網站死因】Cloudflare 發表調查結果:並非攻擊

 

琴晚大約九點半至十點,香港各大網站都嗌救命,搞開網嘅人對於呢類幾個網站一齊死嘅事件,通常都會立即睇下係咪Cloudflare 出事,果然,係。

呢度要簡單介紹下Cloudflare 係做乜嘢。

其實佢類似一個保安通道,大家來睇我呢個網嘅時候,第一下連線其實係去Cloudflare,然後佢會將你接駁到去我地個伺服器,再然後我地個伺服器先會俾嘢你睇。

如果你係攻擊網站嘅衰人,你嘅連線同正常睇嘢嘅人係唔同,有咩唔同我都唔知,總之就係,Cloudflare 可以幫我攔左你走,咁你就唔會攻擊到我部伺服器。

今次Cloudflare死伺服器,咁咪轉駁唔到所有連線,咁我地全部網雖然本身無死機,但大家都唔會睇到。

 

琴晚當大家陸續發現死因係來自Cloudflare,好多人都認為係有大規模嘅網絡攻擊,令Cloudflare 都頂唔順hang 機,包括我都以為係Cloudflare 幫我擋左一劫。

香港時間嘅凌晨,Cloudflare 發表初步調查報告,佢地話,琴晚嘅死機,係因為安裝左一個新嘅程式,拖垮左伺服器中央處理器嘅運算能力,當佢地將呢個安裝還原返,就無事了。

 

 

當然會有人陰謀論咁話,Cloudflare 本身就係話自己擅於擋網絡攻擊,所以一定唔會話自己死於網絡攻擊,我對於呢種推測,聽上去我覺得合理嘅,但其實都唔會特別深究,因為去到最尾提出陰謀論嘅人其實都係拿不出證據,我信與不信陰謀論,都不影響我是否繼續用Cloudflare 嘅服務。

原因好簡單,就算呢次真係大規模網絡攻擊導致Cloudflare 死機半小時,我都會多謝佢地幫我擋左呢一個劫,如果係我部機自己承受呢啲攻擊,我諗我可以即刻上床訓覺,諗定第二朝睇咩戲,洗唔洗買多兩隻game 等,等習近平開心番先開工。而Cloudflare 只係半小時就搞得掂了。

In Cloudflare we trust!

Cloudflare 萬歲萬歲萬萬歲。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 196488
Date: 2019-07-03 02:51:09
Generated at: 2020-02-25 09:12:38
Permalink: https://www.vjmedia.com.hk/articles/2019/07/03/196488/【昨晚香港各大網站死因】cloudflare-發表調查結果:並非