【塔羅個案】老公出軌哭求老婆出黎見面補鑊,結果爽約仲要道歉 Hea 到震

文教 / 最新文章綜覽

 

即係咁。人生總會有做錯事嘅時候,所以點解自古有云「修身治國齊天下」,讀得書多唔代表你個人品德高尚,但係多啲吸收知識先會令到自己明白是是非非。

做錯事,道歉固然必要,坦白亦是必須,不過,道歉坦白過後,唔代表對方一定會原諒你;道歉,只係話比人地知,對唔住,我知我衰乜,我傷害左你,係我唔好。至於「可唔可以原諒我?」呢一句,你可以照講,不過人地唔一定要受。

不過,如果道歉道得假惺惺,咁就不如免了,因為咁樣只會火上加油。

又或者,道歉,一句「Sorry 囉」,人地問嘅所有重點,你都唔答,你淨係強調自己「我家下黎道歉嘅」,其實個感覺真係同八十年代港產片入面啲黑社會衝入人地間舖,「我家下黎踩場嘅」一樣,有種令人「Noted.」嘅感覺。

Amy 與丈夫結婚數年,一直相安無事,直至男方公司黎左個新女同事,後生妹豬,「阿哥」前「阿哥」後,一次出 Trip,咁就出事了。

Amy 喺呢件事後半年先發現老公出軌,而老公同呢位妹豬同事嘅關係,如果唔係 Amy 質問,我諗可能到而家都仲會繼續緊。

Amy 考慮左兩日,決心話要離婚,馬上搬走,而呢件事唔止雙方父母知道左,連啲身在海外嘅親戚朋友都馬上聽到風聲,引起國際關注呀陰公。

咁老公覺得好羞家,加上自己父母係咁鬧,「你做乜搞出個大頭佛?」「你點做人老公?」之類,唔係話幫 Amy 出聲,而係個仔做衰野做到全世界都知,兩老覺得無面,所以叫個仔快啲認低威,道歉先啦。

「佢約我喺某間 Starbucks 等,話想同我好好對話。約左 11:30。星期六黎。」Amy 講起都不禁苦笑,「OK。我原本都預左聽佢講廢話,不過諗住咁多人嘅地方,佢應該無得撒賴,我就去啦,就算唔講離婚,我都要 Cancel 個聯名戶口架啦。」

「咁結果呢?」

「我 11:20 去到,等左陣位,坐低時已經差唔多 11:35。你知星仔幾多人。」Amy 吸一口氣,「我同佢講,我到左。佢無覆。無睇。我等到差唔多 12:05,我真係少少躁,同時有啲擔心,因為我杯野都差唔多飲完,佢都仲未見影。」

結果係點?

結果係,佢老公原本話「好有誠意想同老婆你坐低慢慢傾」,但前一晚個老公同朋友去左飲野好夜返,唔記得較鬧鐘,瞓到成三點幾先醒。

「Sor。不如我 voice message 你算?」

Amy 望住呢個短訊,原本嬲嬲地想一野掟部電話落地,加一句四字真言;不過,電話新買的,iPhone 黎,豪唔起。

事情發展到咁樣,Amy 身邊所有人都支持佢 Move on,因為呢個老公真係無得救,而呢個家,自從個老公屎忽痕偷食開始,就已經背叛左 Amy 呢個家人,所以亦都無乜野需要留戀。

「我唔係留戀呀,我想爭取返我應得嘅野咋!」

Amy 黎問嘅,就係佢可唔可以爭取到佢想要返嘅野。唔係分身家,因為佢老公搵錢少過佢,Amy 要嘅,只係公道。

不過,比較可悲嘅係,老公嘅兄弟,將呢件事刻意抹黑。例如話 Amy 唔比時間個老公緩衝、又話男人開飯好正常,點解要咁大反應、仲話 Amy 公司都大把男同事,都唔知有無同其他人勾結云云。

Amy 有時都會覺得很累。

我同 Amy 講,你不孤單,類似嘅事情,我經常聽到,近年經常發生。追求公平合理,追求自己應得的對待,絕對沒有錯的。

 

【塔羅牌個案分享】

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 196494
Date: 2019-07-03 05:09:21
Generated at: 2020-02-24 17:25:22
Permalink: https://www.vjmedia.com.hk/articles/2019/07/03/196494/【塔羅個案】老公出軌哭求老婆出黎見面補鑊,結