警察都有好人?

 

樹大有枯枝,人多有白痴。有人話警察都有好人唔好以偏概全。

我嘅答案係No,作為團隊一份子。無論前線定後勤,全部都唔可以獨善其身。一人錯!全部錯!依個係聲譽同團隊責任問題。調返轉講,人民唔在乎警隊入面有無好人,剩係知你地入面有好多壞人。

我用自己做例子,試過出去做野,對方係同行嘅前輩,第一次見面循例介紹下自己讀邊間學校,對方劈頭第一句就同我講。

「點解你地學校啲學生個個都咁撚串嘅?佢地全部都有一種與自身能力不符嘅自信。」

我笑笑口咁話唔知啊!然後我當時嘅老闆就開始由學生開始數,數到上個校監。最後總結就係對我校嘅學生同管理層相當反感。

拿,依個就係一個聲譽問題,明明我咩都無做過,我都畀人鬧埋一份。我唔通同人講,唔係架,學校都有啲好好嘅學生同老師架。

無用,人地觀感唔好就唔好。你要做好多野先可以挽回聲譽。唔係點解啲名校登報紙同林鄭、李家超,盧偉聰依啲仆街劃清界線。人地百年名校,聲譽毀係你地啲人渣手上咪好唔抵?人地用幾代人積返嚟名譽你賠得起咩?

好啦講返警隊。警隊係一個紀律部隊,全世界嘅紀律部隊就係齊上齊落集體負責制,就算佢地無出手打你,企係後面都已經係幫兇。

黑社會吹雞都唔係個個郁手。咁唔通無郁手個啲就唔係黑社會?撩人隻抽個個先有罪?佢後面無咁大班人企係到邊敢叫人隻抽呀?最後送返個香港警隊抱負、目標及價值觀畀大家參考下。至於做唔做到,就真係公道自在人心啦﹗

 

作者:林飛

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 196727
Date: 2019-07-08 18:31:17
Generated at: 2019-10-16 18:54:51
Permalink: https://www.vjmedia.com.hk/articles/2019/07/08/196727/警察都有好人?