泛民本來就係度hea 反DQ,你地唔係唔知架?

面對現在的政治爭執,幾乎天天都有因為「反逃犯條例」而出現的爭端。警察做撕紙王拆連儂牆,再唔係就200人圍油塘。個個星期都要遊行,睇你香港人頂得幾耐。

於是,政府出手,又話要學生談判。再唔係就搵埋反對派最資深議員出黎講話搵KOL入行會。好似,而家今時今日搞成咁,都仲係有罪魁蝸首咁。

然後呢,連登有連登係度急。今日又有個咁既post,話點解寫信畀選管會反DQ咁少人。

喂,你睇下,其實邊個泛民有推過呢個post?冇呀。反而本土派,或者係插畫界,都仲多人出黎講。

 

點解呀?

喂,好簡單之嘛。朕已經講過。而家係入面做緊果班呢,係唔會想冇DQ 架。佢地只係想,本土派畀人DQ 晒,自己做到柒吓柒吓咁,就最好啦。因為,咁樣佢做得幾撚渣都好,你班港豬都會講一句「唔投畀佢唔通畀建制贏牙?」於是就可以唔進步唔理民意,都做到議員,都可以出賣你。

你唔好同我講,邊個出個post,叫撐左。左膠做野,有三個層次既:一、出下post,係咁意講下,冇成本既,個議員自己都唔使做,有助理搞架嘛。二、拍下片,做下live,呢個花佢幾真人多啲時間。成本高好多既,所以即係表示佢地有多啲誠意。好似楊戇Q就話自己拍片講左要「撤回」唔係「暫緩」,到係商台講左暫緩畀人屌到落地獄又折反,都拍左片道歉啦。三、街站。呢個,最重要,因為最花資源,亦都係最可以接觸網路接觸唔到既人。你過去幾個星期,係咪成日見到泛民議員及其政助理擺街站叫人登記做選民,有冇擺街站叫人填表,簽名,send email 去反DQ呀?見唔到?見到一兩個?拿,你見唔到,佢擺左,都係冇用架啵。因為,你唔揀係多人既時候擺,係返工時間,係咁意擺兩個鐘,擺明就係用黎塞住鍵盤戰士把口之嘛。

咁你又唔見佢地擺街站,又唔係好見佢地指片叫人搞選管會,就知佢地hea 住反DQ啦?為咩?梗係為自己份糧啦,唔通為民主呀?

 

【大埔人必知】呢間雞蛋仔真係好好食的,特別推薦士多啤梨味,係有驚喜嘅味道❤️TakEateasy大埔寶湖道3號寶湖商場2樓227F號舖

周庭 Agnes Chow Ting 發佈於 2019年7月3日星期三

被人DQ 個周庭都冇叫人send email 反DQ
仲教人食雞蛋仔

 

總之都係果句,本土派有得選,泛民而家做緊果班就有得震冇得瞓。最想DQ世世代代發生既,一定係傳統泛民,同阿爺有計傾既泛民,而唔係新果班自決呀,本土囉。係豬呢,先會當果班人係同路人既。不過,唔蠢,又點會從政丫?

 

作者:左膠正垃圾

左膠正垃圾
左翼???左膠就大把。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 196829
Date: 2019-07-10 23:43:28
Generated at: 2019-10-16 19:04:37
Permalink: https://www.vjmedia.com.hk/articles/2019/07/10/196829/泛民本來就係度hea-反dq,你地唔係唔知架?