寶曠力,補抗力!

 

 

當寶曠力撤回TVB廣告嘅時候,大家可能都好開心,因為終於有一個國際知名品牌同TVB劃清界線,唔係TVB落廣告又並未必等於支持反送啵,可能都只係一個商業決定,畢竟寶曠力一句都無講過呢件事。作為一個大品牌,呢個商業決定都自然有佢嘅代表意義。

抽起TVB廣告嘅潛台辭應該係:「拿,我唔係你到落廣告因為我覺得你報導新聞手法偏頗,形象唔健康,即係你配唔起我個品牌,所以我地都係唔合作喇! 」。其實呢個唔關賺錢事,呢啲大品牌每日都收好多合作方案,賺錢或者做宣傳都有好多選擇,同其他品牌玩聯乘又得,就好似喜茶同阿華田嘅新飲品一樣。講真啦,一個咁大咁成熟嘅品牌仲需要靠TVB咩?唔會囉。

如果站係品牌角度,係非常時期做呢個決定之前最糾結嘅應該係香港人嘅反應到底會係點?特別係而家網絡時代,上一分鐘同下一分鐘都隨時唔一樣,我地應該支持嘅係有呢種勇氣同態度!我覺得今次呢招「以退為進」雖然係兵行險著,但成效來講都算係成功嘅,撤咗一個可以TVB換來香港無數嘅KOL、素人同香港市民支持影相打卡支持,唔用一分一毫但一樣有宣傳效果,有啲地區仲要買斷市,寶曠力應該係史無前例吧?

點知話口未完,TVB就出聲明反擊,我覺得係真係好低手。老老竇竇啦,人地本身根本可能只係一個商業決定,你自己就走去上鋼上線,自己搬石頭掉自己雙腳,又引埋啲組織呀,前特首梁生呀係到發表偉論。結果今晚,香港寶曠力就出咗一份無上款嘅聲明回應媒,幾耐人尋味。有人話寶曠力跪低,我又唔係咁睇。

TVB係一個香港媒體,咁高調出聲明,搞到去日本寶曠力總公司到,咁大個品牌唔會當無事發生嘅。睇返寶曠力份聲明,內文只係重申佢嘅品牌理念同埋道咗句歉,我覺得潛台辭係咁:「拿,你TVB玩到咁串,我唔會由得你嘅,我地個品牌係形象健康嘅,你唔係呢個路線呢,我地就無緣合作喇,如果我嘅決定搞到你或你啲支持者就真係唔好意思喇! 」。再者,由日本人話事嘅大品牌好少會咁彈弓手,日本人係好講信用,話一就一,話二就二,好似之前講有啲香港人訂咗日本酒店最後無出現,啲日本人嬲到爆就知佢地嘅脾性。

放心啦寶曠力,香港人係唔會俾你輸嘅,大家真係要撐到底呀,唔係一時三刻,係要貫徹始終! 寶曠力,補抗力,你今日飲咗未呀?

作者:文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。不想在沉默中滅亡,深信堅持才有希望。

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 開心浩園餐 by BEAR 兒
    老軍裝帶責備地拍拍警犬的頭,把紙袋拿起來說:「對不起,這個餐算是我跟你買吧,不過要麻煩你再走一次了。」…
歡迎讚好我們的facebook page,免費資訊源源送上。

文章資訊

ID: 196920
Date: 2019-07-11 18:15:31
Generated at: 2019-07-20 07:59:13
Permalink: https://www.vjmedia.com.hk/articles/2019/07/11/196920/寶曠力,補抗力!