大家知唔知 Mannings 萬寧 有14日退貨保障？
即係你喺萬寧買嘢，只要帶埋
1. 收據
2. 收據上面列明送咗畀你嘅印花/優惠券
3. 件貨（唔肯定包裝係咪一定要有，keep埋囉）
三樣都齊嘅話，14日內去任何一間分店都可以無條件全額現金退款畀你。
我：「退返之後件貨會點㗎？開過㗎喇喎。」
萬寧前員工：「掉㗎喇。」
我：「嘩，咁咪好蝕？」
萬寧前員工：「萬寧蝕得起呀！」
嗱，雖然唔係100%肯定，但好大機會啲退款都唔係萬寧負責，而係供應商自己食返。
但冇所謂，
1. 因為係退現金，人多就可以影響萬寧嘅cash flow；
2. 萬寧嘅眾多品牌供應商都有份喺tvb落ad，佢哋都唔係無辜。
目標唔單止係萬寧，而係通過萬寧衝擊其供應商嘅銷售額。
略略打聽過，退咗嘅貨好大機會會扣返品牌銷售額。換言之，對供應商嚟講，錢又蝕咗，貨又掉咗，銷售額都飛走埋。
長遠嚟講，依然係為咗削減品牌喺tvb落ad同喺萬寧供貨嘅誘因。
與其罷買，不如去買寧買曬佢然後退曬佢。
面皮比較薄嘅如我，咪行多幾間，反正佢咁多分店。
而且只要畀一次錢，1. 14日deadline前去退款、2. 重新購買，重覆步驟1、2，理論上就可以永續使用你用開嘅產品（加價就冇計了）。最後唔想再玩，都可以拎返一開始畀嗰筆錢。
我早排就試過完全冇被留難冇問長問短極乾脆就退咗支洗頭水。
今日買咗漱口水，打算過兩日再去退防曬。
一齊去萬寧試貨！唔啱試到啱！
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2019年7月14日
