「你地無gear?咁唔好去喇~」

(梁穎珊攝)

香港電台視像新聞 RTHK VNEWS 發佈於 2019年7月14日星期日

 

昨日參與沙田遊行,大約五點多接近終點時,聽到後面有擾攘聲音,在平台高處有位師奶大叫源禾路打交呀,噴胡椒呀,你地去幫手呀。當時大家唔知咩事,繼續前進,然後陸續見到啲細路逆向跑往出事地方,並呼籲其他遊行人士去幫手。當中有兩位師奶連口罩都無帶,叫在場人士去幫手。我地都唔知點算好。朋友有一位已經即刻交低標語,跑左去話睇下有咩幫手,我地餘下四個唔知應該前進還是回頭。當時內心其實係驚唔知有咩事,但當我聽到有後生女話唔係要你地衝呀,只係要人多安全啲。當下我地四個就回頭。所謂回頭,其實距離事發現場都有一段距離,當時情況已經緩和,大家松一口氣。當時啲年輕人向後方要求物資例如頭盔同雨遮,見啲細路攞住一把兩把遮,最多都係向回頭嘅途人派口罩。

當時我地一直行嘅時候,有個中學生模樣嘅男仔問我地點解唔係行去終點,點解掉轉頭行?我話前面有事發生,所以去睇下情況。個男仔問,你地有無gear???(可能佢見你地幾個中女口罩都無上去做乜?)我話無呀,佢話你地唔好去喇。我同佢講唔使擔心,你地自己小心呀。呢份善良我依家諗起都流淚。欄杆附近有唔少遊行人士包括好多師奶都企系度睇住,跟住就係咁鬧啲黑警乜乜物物,我地亦都從前線回來嘅人士了解前面情況。得知警察已經後退,我地四個都決定行去終點離開。經過一位阿姑見佢繼續企系度,我叫佢走啦,佢話我睇一陣就會走喇。大家都係唔認識,但大家在呢一刻都係有一樣嘅想法。

我係一個貪生怕死嘅人,驚俾警棍毆,驚食胡椒,但當我猶豫應唔應該回頭嘅時候,見到啲年輕人好勇敢咁走回前線幫手,我覺得慚愧。佢地真係好勇敢。佢地唔怕痛咩?佢地唔怕被警棍毆咩?佢地唔怕食胡椒咩?佢地一定怕,但佢地怕仍然都照跑去想幫手,我睇到嘅係佢地嘅勇氣。我呢啲廢中真係好佩服佢地。

琴日遊行派發的標語單張寫上:守住香港,守住善良!年輕人,你們都很善良,可惜你地錯生在呢個年代,要你地面對咁多承受咁多,希望你讀都有更好嘅未來。

好人一生平安。

 

作者:烏龍

烏龍唔一定係茶。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 197138
Date: 2019-07-16 00:05:43
Generated at: 2022-12-03 02:52:17
Permalink: https://www.vjmedia.com.hk/articles/2019/07/16/197138/「你地無gear?咁唔好去喇~」