FF去「流亡」嘅你,連罪名都未有點流亡?

 

呢一個月,每個星期都收到好多後生仔問政治庇護點搞,就黎721成個連登都係度話實會有事,咁發完夢後即時去台灣/德國過下人世又有無得諗?個現實係——有得諗,如果你係黃之鋒。

「政治庇護」呢件事嘅概念其實好簡單,即係你做完一樣野之後,政府決定告你一鑊,而呢個控罪用嘅罪名係明顯有政治目的,又或者明顯係政治上嘅逼害。又咁啱有一個國家覺得你生活嘅地方個法庭信唔過,又或者你有地方勢力嘅幫助。咁就會批出一個政治庇護。 問題就係,你要點證明你俾人政治迫害呢?

答案好簡單,首先你要有一條罪名。

七一之後走咗嘅嗰一批,你覺得佢哋可以留喺外國幾耐?

好多人發完夢之後即刻離開香港,呢件事唔係咩秘密,呢大部份人當然有佢嘅方法係海外生活,甚至可以申請讀書/做嘢,曲線離開呢個香港。正如大劉唔洗理佢係澳門犯左咩事,可以繼續喺香港快樂生活。

但老老豆豆,有幾多個人真係可以好似大劉咁? 走得去外國,讀書要一筆錢,打工都要有較好嘅收入先可以拎到工作簽證。 例如台灣要有接近50,000台幣嘅月薪先可以留低,呢個人工已經接近一個當地大學講師嘅月薪,大部份人仲係搵緊兩三萬蚊台幣嗰陣時。一個香港嘅人,你憑咩值得一份五萬蚊台幣嘅工作呢?你估時代力量/民進黨會唔會出五萬蚊請你?

所以最終都係要去申請政治庇護。

俾你去到移民局陳情,每個地方都要問你點樣被政治迫害。你又冇俾人拘捕過,政府又冇公開通緝你。就算你話你參與過大規模衝擊要離開,人哋都會問「咁政府有冇迫害你丫?」 如果根本連拘捕都冇,就要靠你嘅過往光環,例如你喺立法會入面露自己個樣出嚟,又或者你露面兼出名地參與過好多嘅社會運動,令人哋相信香港政府有理由的逼害你,或者你仲會有一絲機會。

簡單啲來講,呢篇文就係要話比幻想衝擊原有的政治庇護嘅朋友聽,呢個世界唔係咁容易。唔好預咗有人幫你所以去衝,你衝完可以係冇人幫㗎,你衝完可能都係要的負上刑事責任。如果你預咗坐監然後決心用行動去公民抗命,我敬佩你。但如果你以為有人幫唔洗驚而去衝擊,你諗得一切太輕易。

先唔好計你去流亡要付上幾多精神上嘅代價,可能一世都冇得再見屋企人同朋友。亦唔好計你去到「西方國家」要喺移民監獄嗰度等批核,日子隨時長過你真正刑期。

如果你諗住可以輕輕鬆鬆走去外國嘅話,麻煩你照下塊鏡, 諗清楚點解有地方要收留你。唔好以為參與社會運動一定有人幫,好多人參與社運之後都係過緊好潦倒嘅日子,全個世界咁多國家有社會運動,咁多警察開槍殺人嘅歷史。有幾多個最後真係走得甩去外國Happily Ever After?

都係果一句,永遠為最壞做好打算。

你要衝,就要知道衝嘅代價。

 

 

作者:肥仔甲

除左肥,無可奉告

閱讀後覺得好,請多多讚好及分享~:)

其他熱門文章

  • 李怡先生,謝謝你 by 馬黑白
    自小媽媽便說,有空時要多聽李怡先生在香港電台的《一分鐘閱讀》,因為每日講一本書,每日說一道理,絕不簡單 。近年,媽媽因病離世。在媽媽人生中的最後數月,床頭總放著他的《閱讀人生一百篇》,她入住過幾間醫院,此書也是隨身攜帶。當時我會讀書給她聽,…
  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 中咗Covid,我終於可以休息 by 小盛女
    平時好少人打電話嚟,但係同事開始知道我中咗之後就一日收幾個電話,關心嘅說話當然有,但重點都係公事…
  • 專訪「政見唔同就分手」Heather Yeung:「我係香港人囉!」 by 清君
    我就對「政見唔同就分手」的Heather更有印象和好感,於是膽粗粗邀請她做訪問,當時由於見到雲海的「東張西望inbox」post,我滔滔不絕的解釋澄清自己不是騙子,她也知道雲海那個post,於是莞爾,笑了。然後相約於北區某咖啡店等,可是作為…
歡迎讚好我們的facebook page,免費資訊源源送上。

文章資訊

ID: 197231
Date: 2019-07-18 20:16:15
Generated at: 2022-10-07 20:04:14
Permalink: https://www.vjmedia.com.hk/articles/2019/07/18/197231/ff去「流亡」嘅你,連罪名都未有點流亡?